У Магілёве са стральбой адкрылі атрад спецназа ўнутраных войскаў — ужо 12-ы па ліку
У Магілёве адкрылі новае падраздзяленне спецназа ўнутраных войскаў «Гром». Гэта ўжо 12-ы падобны атрад, створаны за апошні час у структуры МУС.
У гонар адкрыцця сілавікі правялі паказальныя выступленні са стральбой і выбухамі, якія былі чутныя па ўсім горадзе.
Камандзір атрада Віктар Смоліч расказаў, што падраздзяленне будзе дапамагаць міліцыі пры затрыманнях, а таксама змагацца з дыверсійна-разведвальнымі групамі, незаконнымі ўзброенымі фармаваннямі ў асаблівых умовах, паведамляе БелТА.
Атрад атрымае цяжкое ўзбраенне, дроны і бранятэхніку, у тым ліку пікапы, квадрацыклы, катары і балотаходы.
Паведамляецца, што спецназаўцаў рыхтавалі інструктары з баявым досведам. Дыслакавацца «Гром» будзе ў Магілёве і Бабруйску.
Аналагічныя спецпадраздзяленні раней з'явіліся ў Мінскай, Брэсцкай, Гродзенскай і Гомельскай абласцях, а таксама на АЭС у Астраўцы.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1515
Каментары