Міністэрства аховы здароўя Беларусі змяніла з 1 ліпеня 2024 года нормы часу і расходу матэрыялаў на платныя медпаслугі па стаматалогіі. Гэта прадугледжана адпаведнай пастановай, паведамляецца на Нацыянальным прававым інтэрнэт-партале.
Дакумент тычыцца тарыфаў на платныя стаматалагічныя паслугі, якія аказваюць юрыдычныя асобы незалежна ад іх формы ўласнасці і падпарадкаванасці, а таксама індывідуальныя прадпрымальнікі. У прыватнасці, «аптымізавана» 169 найменняў паслуг і нормы расходу матэрыялаў у 37 пазіцыях.
У Міністэрстве аховы здароўя адзначылі, што гэтая пастанова будзе садзейнічаць зніжэнню кошту платных стаматалагічных паслуг.
Таксама сказана, што пастанова Міністэрства аховы здароўя ад 7 ліпеня 2023 года № 109 «Аб нормах часу і расходу матэрыялаў на платныя медыцынскія паслугі па стаматалогіі» страціла сілу.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары