Дзясяткі чарнагорцаў просяць забяспечыць ім трансплантацыю нырак у Беларусі. Але ёсць перашкоды
У Чарнагорыі каля 60 чалавек чакаюць трансплантацыі ныркі. Яны просяць урад аплаціць ім трансплантацыю за дзяржаўны кошт у цэнтры трансплантацыі ў Беларусі, які ўваходзіць у дзясятку найбуйнейшых трансплантацыйных цэнтраў свету, паведамляе «Радыё Свабода».
«Мы людзі каля дзвярэй моргу, толькі статыстычна жывыя», — гаворыць Таня Стаянавіч з асацыяцыі «Мужнасць для новага жыцця», апісваючы стан свайго здароўя і здароўя сваіх таварышаў па бядзе.
Яна расказала, што была на дыялізе тры разы на тыдзень на працягу 5 гадоў. «У кагосьці няма праблем, а ў мяне ад яго сур’ёзныя ўскладненні», — кажа жанчына. Паводле яе слоў, пасля працяглага дыялізу яна захварэла на астэапароз, таксама ў яе пачаліся праблемы з сэрцам, парашчытападобнымі залозамі і мозгам.
«Жывога донара ў нас няма, і часу чакаць у нас няма. Практычна кожны дзень у пасведчаннях аб смерці мы бачым некага з нашых суседзяў па пакоі з дыялізнай залы, з якім мы праводзілі гадзіны. Вы не ўяўляеце, як гэта складана», — кажа яна.
Цяпер атрымаць новую нырку ў Беларусі пацыенты з Чарнагорыі могуць толькі платна.
«За пяць гадоў дыялізу я абышлася дзяржаве ў 125 000 еўра. А столькі людзей сядзяць на дыялізе ўжо дзесяць гадоў. Трансплантацыя ў Мінску з іншымі выдаткамі — гэта каля 100 000 еўра», — кажа Таня. Яна спадзяецца, што ўрад Чарнагорыі знойдзе нейкае рашэнне.
Хворыя пацыенты вырашылі прасіць урад аб трансплантацыі ў Беларусі, бо,
згодна з законам аб донарстве органаў, у Беларусі ўсе грамадзяне, якія перажылі смерць мозгу, з'яўляюцца донарамі, за выключэннем выпадкаў, калі сам чалавек пры жыцці або яго родныя напішуць заяву, што яны супраць гэтага.
Аднак Чарнагорыя не мае супрацоўніцтва з Беларуссю ў сферы медыцыны, да таго ж у 2021 годзе далучылася да санкцый Еўрасаюза.
У Міністэрстве здароўя Чарнагорыі «Радыё Свабода» паведамілі, што пачалі дыпламатычную працу па вывучэнні супрацоўніцтва з клінікай у Мінску з улікам санкцыяў, уведзеных Чарнагорыяй у дачыненні да Беларусі.
Міністр Воіслаў Шымун таксама ўдакладніў, што адпраўка пацыентаў у іншую краіну для перасадкі органаў ад памерлага чалавека жывому не практыкуецца з прычыны сумневаў у паходжанні органаў.
Чарнагорыя з'яўляецца ўдзельніцай Канвенцыі Рады Еўропы аб барацьбе з гандлем органамі і Стамбульскай канвенцыі аб прадухіленні набыцця і продажу органаў і трансплантацыйнага турызму. З прычыны магчымых злоўжыванняў Рада Еўропы стварыла платформу для маніторынгу выездаў на трансплантацыю органаў у іншыя краіны. Чарнагорыя таксама з'яўляецца часткай гэтай платформы.
Кітайскія дактары заявілі, што ўпершыню вылечылі хворага на дыябет
Вечны дыктатар. Як хутка тыраны змогуць скарыстацца першымі лекамі ад старэння?
Як поспехі сучаснай медыцыны звязаныя са смяротнасцю ад захворвання нырак і як не прапусціць нырачныя хваробы
Якія беларускія клінікі найбольш запатрабаваныя ў замежнікаў
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
За бракам часу журналісты бастыёну беларусчыны апошні слупок не патлумачылі. Добра, што я, гультаіна, тут.
Чарнагорцам па-за ўсіма грашовымі праблемамі трэба ад бюракратычнай камісыі атрымаць дазвол на трансплянтацыю ныркі. Візу на жыцьцё