Яна ўвойдзе ў спіс найбуйнейшых здабытчыкаў урану ў свеце і зможа амаль цалкам забяспечыць працу сваёй АЭС.
На прамысловай пляцоўцы Саткама пачата здабыча прыроднага ўрану, што робіць Фінляндыю першай краінай-членам Еўрасаюза, якая эксплуатуе ўранавыя руднікі, паведаміла горназдабыўная кампанія Terrafame, піша РБК.
Поўнай магутнасці здабычы плануецца дасягнуць да 2026 года, калі аб'ём вытворчасці складзе прыкладна 200 тон у год. Прыкладна столькі ж урана спажывае фінская атамная станцыя «Олкілуота-3» за дзевяць месяцаў працы. Руднік плануецца выкарыстоўваць не менш за 30 гадоў. Уран адправяць за мяжу для перапрацоўкі, пасля чаго выкарыстаюць у атамнай энергіі.
Terraflame атрымала дазвол на пачатак здабычы ў 2020 годзе.
Усяго ў Фінляндыі ёсць чатыры атамныя электрастанцыі, якія вырабляюць каля 30% неабходнай электраэнергіі.
Фінляндыя закупляе расійскае ядзернае паліва для двух атамных рэактараў, закупленых у СССР і ўсталяваных на АЭС «Ловійса». Тэрмін дзеяння кантрактаў завяршаецца ў 2030 годзе, пасля чаго Хельсінкі маюць намер перайсці на амерыканскіх пастаўшчыкоў.
Здабыты аксід урану не адрозніваецца высокай радыеактыўнасцю, ён небяспечны галоўным чынам з-за хімічных уласцівасцяў, як і іншыя цяжкія металы, растлумачылі ва ўпраўленні па радыяцыйнай і ядзернай бяспецы Фінляндыі (STUK). Аднак з аксіду ўрану вырабляецца паліва для атамных электрастанцый, яно ў рэактары становіцца вельмі радыеактыўным.
Руда з Соткама мае невялікую канцэнтрацыю ўрану, прыкладна 17 мг/кг. Такія канцэнтрацыі сустракаюцца і ў іншых частках фінскіх горных парод.
Нарасціўшы аб'ёмы вытворчасці да 200 тон урану ў год, Фінляндыя зойме сёмае месца ў рэйтынгу сусветных здабытчыкаў разам з Паўднёвай Афрыкай.
Лідарам галіны па стане на 2022 год з'яўляўся Казахстан (21 227 тон), следам ішлі Канада (7351), Намібія (5613), Аўстралія (4553), Узбекістан (3300), Расія (2508), Нігер (2020), Кітай (1700) і Індыя (600).
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары