«У вышку засора сютэмы гасфекальнай канамзацьн у падвальным памяшканш». Вы будзеце смяяцца, але гэта беларуская мова
Віцябчук Дзмітрый Карнеенка, нават жывучы за мяжой, рэгулярна дасылае скаргі ў віцебскія жыллёва-камунальныя службы, звяртаючы іх увагу на розныя камунальныя непарадкі ў родным горадзе. Яму, як і належыць паводле заканадаўства, адказваюць, але адказы часам аформленыя вельмі дзіўна.
Звароты свае Дзмітрый Карнеенка піша па-беларуску, і на гэтай самай мове яму абавязаныя даваць адказы. На ёй нібыта і даюць, але гэтым разам, атрымаўшы адказ ад Унітарнага камунальнага вытворчага прадпрыемства «Віцебская гарадская жыллёва-камунальная гаспадарка», Карнеенка быў уражаны і размясціў дакумент у фэйсбуку з каментаром:
«Думаў, што мяне [ўжо нічым] не здзівіць, але такую беларускую мову сустракаю ўпершыню».
Сапраўды, у дакуменце, складзеным нібыта на беларускай мове, толькі некалькі разоў пракідаецца беларускае «і», а замяняецца яно ў найлепшым выпадку лічбай «1», а звычайна — зусім экзатычнымі канструкцыямі, калі, напрыклад, замест камбінацыі літар «ні» ідзе літара «ш», замест «іс» — «ю», замест «ыі» — «ьн», і г. д., варыянтаў вялікае мноства.
У выніку сэнс выкладзенага ў дакуменце зразумець можна, але з вялікай цяжкасцю. І добра яшчэ, што «ў» усюды замяняецца толькі на «у».
Як такі дзівосны, смела альтэрнатыўны афіцыйна зацверджанаму беларускі правапіс у віцебскіх чыноўнікаў мог атрымацца — можна толькі здагадвацца. Найбольш падобна на вынік грубага распазнавання тэксту пасля сканавання. Вычыткай і выпраўленнем тэксту пасля гэтага акту супрацоўнікі ЖКГ, як выглядае, пагрэбавалі, а «галоуны 1нжэнер» прадпрыемства «Т.Б.Курганау» падмахнуў яго не чытаючы.
«Белае паліто не цісне?» Беларуска ў юбілей Быкава прыгадала непрыемны факт пра яго — твітар выбухнуў
«Спампуйце. Што, б***ь?» Праўладная мастачка не зразумела беларускай мовы
«Дапусцім, чалавек з нізкім узроўнем культуры». Кіраўнічка «Белай Русі» рэзка адказала на хамскі допіс пра беларускую мову мастачкі Жыгімонт
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў27
Каментары