Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі
У чэрвені шмат шуму нарабіла гісторыя Дзмітрыя Смактуновіча. У чэрвені беларуса дэпартавалі з Польшчы ў Беларусь, але ён не хацеў вяртацца на радзіму і доўга стаяў на мосце паміж дзвюма краінамі. Пасля таго, як наважыўся ўсё ж такі пераехаць у Беларусь, ён даў каментарый дзяржаўным СМІ і даехаў да роднага Бабруйска. Што з ім стала пасля, даведаўся Most.
Жонка Дзмітрыя Наталля расказала выданню, што муж у Беларусі паспеў адседзець трое сутак за лайк пад відэа, які ён паставіў у 2021 годзе.
«Першапачаткова да яго не было прэтэнзій, але забралі цалкам новы тэлефон — і далі трое сутак у КПЗ».
Пасля, аднак, жыццё ў яго ўсё ж, па словах жонкі, больш-менш наладзілася:
«Выйшаў, уладкаваўся на працу кіроўцам маршрутнага таксі, ездзіць маршрутам Бабруйск-Мінск. Думаю, што не больш за 1500 беларускіх рублёў атрымлівае. Абяцаў з першага заробку адправіць нам грошы».
Пасля дэпартацыі Дзмітрый падаў апеляцыю ў амбасаду Польшчы ў Беларусі. Больш за месяц ён чакае адказу.
«Мы з дзецьмі жывем у Беластоку, жывыя-здаровыя. Старэйшая дачка паступіла ў тэхнікум. Складана без мужа, усё на мне. І дзеці, і праца, і дом. Мы падтрымліваем сувязь з Дзмітрыем штодня, ён не змірыўся з гэтай сітуацыяй і хоча ўз'яднацца з сям'ёй», — кажа жонка.
Праўда, дапускае, што яна не ўсё ведае:
«Магчыма, ён не да канца шчыры са мной. Можа, ён нешта недагаворвае, каб я не перажывала лішні раз, бо ў мяне ёсць праблемы з сэрцам».
Дэпартаванаму на мінулым тыдні з Польшчы Дзмітрыю Смактуновічу яшчэ год таму загадалі пакінуць краіну
«Пакуль усё ціха». Жонка Дзмітрыя Смактуновіча расказала, што цяпер з яе мужам
Стала вядома, на колькі год дэпартаванаму з Польшчы беларусу забаранілі ўезд у ЕС
Дэпартаваны з Польшчы Дзмітрый Смактуновіч выступіў па тэлебачанні
«Прыйшоў пешшу з Беларусі». Палякі расказалі сваё бачанне гісторыі з беларусам, праз якога закрывалі памежны пункт
Дэпартаваны з Польшчы беларус перайшоў на тэрыторыю РБ. Рух у памежным пункце Тарэспаль аднавіўся
Беларуса, якога дэпартуюць з Польшчы, раней судзілі за перавозку нелегальных мігрантаў
Польскія памежнікі ў пункце пропуску Тарэспаль перакрылі рух у абодва бакі
З Польшчы дэпартуюць беларуса, які не хоча на радзіму. Ён на нейтральнай паласе пад Брэстам
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч29
Каментары
Ну што ты зробіш, гэта былы бабруйскі вертухай перакрываў апошні мост паміж белоруссіей і польшчай, а я налыгаў (трэцяя асоба ў адзіночным ліку, дарэчы, ён лыжэ), што польскія памежнікі.
Войвойвой, выкрылі мяне пальцадолам