Культура33

Мінск як беларуская сталіца на новай выстаўцы ў Нацыянальным мастацкім музеі

Выстаўка «І ты закрасуеш, наш Мінск старадаўні» знаёміць наведвальнікаў з абліччам беларускай сталіцы праз погляд мастакоў пачатку XX стагоддзя і да 1968 года.

«Новы Мінск. Вакзал». Давід Генін, 1953. 

Стагоддзе таму аблічча і краявіды Мінска моцна адрозніваліся ад вядомага сучаснаму чалавеку гарадскога асяроддзя. На пачатак XX стагоддзя горад знаходзіўся на складанай геаграфічнай і гістарычнай перыферыі, і ўжо ў канцы 1910-х гадоў, пасля заканчэння Першай сусветнай вайны, распачалася новая глава гісторыі Мінска ў якасці сталіцы Беларусі.

Экспанаты на выстаўцы. Фота: тэлеграм-канал «Ваш Художественный»
Экспанаты на выстаўцы. Фота: тэлеграм-канал «Ваш Художественный»

У 1920—1930-я гг. у Мінск прыбывае ўсё больш і больш новых жыхароў. У гэты перыяд у горадзе працуюць вядомыя архітэктары, у тым ліку Іосіф Лангбард, Георгій Лаўроў і інш., пры ўдзеле якіх з'яўляецца новая архітэктура, атрымлівае сваё развіццё ўся інфаструктура горада. Не пакідае абыякавым горад і мастакоў. Усё больш з'яўляецца розных графічных і жывапісных замалёвак, якія раскрываюць старонкі з жыцця Мінска. Гэты перыяд адлюстраваны ў работах мастакоў, такіх, як Аркадзь Астаповіч, Язэп Драздовіч, Мікалай Дучыц, Мікалай Тарасікаў, Міхаіл Філіповіч, Меер Сляпян і інш.

Экспанаты на выстаўцы. Фота: тэлеграм-канал «Ваш Художественный»
Экспанаты на выстаўцы. Фота: тэлеграм-канал «Ваш Художественный»

Пасля бурнага «нараджэння сталіцы» прыходзіць Вялікая Айчынная вайна, якая пакінула незгладжальны трагічны след у жыцці горада. Разбураны, спалены Мінск і яго руіны сталі адной з галоўных тэм у творчасці мастакоў гэтага перыяду, такіх як Аскар Марыкс, Монас Манасзон, Павел Гуткоўскі і Анатоль Тычына.

Экспанаты на выстаўцы. Фота: тэлеграм-канал «Ваш Художественный»
«Зіма». Уладзімір Пасюкевіч, 1968. Фота: тэлеграм-канал «Ваш Художественный»

Пасля вайны горад з новай старонкі пачынае здабываць сваё аблічча. Паступова аднаўляецца ўся інфраструктура. Мастакі, як рэпарцёры, фіксуюць усе этапы ператварэння горада, пачынаючы з аднаўлення разбураных будынкаў і ўзвядзення новых. Усё часцей вобраз Мінска з'яўляецца на работах мастакоў у розных відах мастацтва: у арыгінальнай і тыражнай графіцы, жывапісе, скульптуры, дэкаратыўна-прыкладным мастацтве. У гэты перыяд сапраўднымі «песнярамі» Мінска становяцца: Леў Лейтман, Давід Генін, Сямён Герус, Ізраіль Басаў, Сяргей Каткоў, Натан Воранаў і інш.

Экспанаты на выстаўцы. Фота: тэлеграм-канал «Ваш Художественный»
Экспанаты на выстаўцы. Фота: тэлеграм-канал «Ваш Художественный»

На выстаўцы, якая адкрылася 23 жніўня, прадстаўлены работы з фондаў Нацыянальнага мастацкага музея, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва і Нацыянальнага цэнтра сучасных мастацтваў. 

Выстаўка будзе экспанавацца па 6 кастрычніка 2024 года ў выставачным корпусе музея па вуліцы Карла Маркса, 24.

Экспанаты на выстаўцы. Фота: тэлеграм-канал «Ваш Художественный»

Каментары3

  • Эээ
    30.08.2024
    Гэта тэлеграм-канал Нацыянальнага мастацкага музэя называецца "Ваш Художественный"?
  • Андрэй
    30.08.2024
    Эээ, так)
  • Імя
    01.09.2024
    Андрэй, тады няхай самі купляюць квіткі на свае выставы
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп: Зяленскі вельмі моцна пераацаніў свае магчымасці2

Трамп: Зяленскі вельмі моцна пераацаніў свае магчымасці

Усе навіны →
Усе навіны

Эфект дня нараджэння. Чаму верагоднасць памерці ў гэты дзень вышэйшая, чым у любы іншы6

З Мінска гэтай зімой вывезлі ў 530 разоў менш снегу, чым год таму1

Стармер збірае ў Лондане еўрапейскіх лідараў і Зяленскага, каб прыняць рашэнні па выніках перамоў з Трампам

Microsoft афіцыйна закрывае Skype пасля 22 гадоў працы месенджара5

Лукашэнка сказаў, што людзям павінны быць па кішэні бульба, цыбуля і капуста, але не авакада10

Топ самых даступных новабудоўляў Мінска і топ самых камфортных

«Руская скрыпка на Браншчыне — феномен, пра які вы і не ведалі». Беларусаў раззлавала прыўлашчванне іхняй нацыянальнай культуры10

У Гомельскім раёне беспілотнік упаў і ўзарваўся, спаліў гаспадарчую пабудову3

Мужчына ў балаклаве ў Салігорску зняў грошы ў банкамаце. І зараз можа сесці на 10 гадоў

больш чытаных навін
больш лайканых навін

Трамп: Зяленскі вельмі моцна пераацаніў свае магчымасці2

Трамп: Зяленскі вельмі моцна пераацаніў свае магчымасці

Галоўнае
Усе навіны →

Заўвага:

 

 

 

 

Закрыць Паведаміць