«Чарговае сведчанне падтрымкі захопніцкай вайны». МЗС Украіны абурылася сустрэчай Лукашэнкі з Пушыліным
МЗС Украіны апублікавала заяву наконт сустрэчы Аляксандра Лукашэнкі з прадстаўніком расійскай акупацыйнай адміністрацыі Дзянісам Пушыліным.
Міністэрства замежных спраў Украіны рашуча асудзіла «чарговую праяву пагарды Рэспублікі Беларусь да суверэнітэту і тэрытарыяльнай цэласнасці Украіны» — правядзенне афіцыйнай сустрэчы Аляксандра Лукашэнкі з прадстаўніком расійскай акупацыйнай улады Дзянісам Пушыліным.
«Гэтая сустрэча з'яўляецца яшчэ адным пацвярджэннем, што пазіцыя цяперашніх уладаў Беларусі адносна суверэнітэту і тэрытарыяльнай цэласнасці Украіны прадыктаваная выключна ўказаннямі Крамля і не мае нічога агульнага ні з міжнародным правам, ні з міжнароднымі абавязацельствамі Рэспублікі Беларусь», — гаворыцца ў заяве.
Рыторыку Аляксандра Лукашэнкі адносна супрацоўніцтва з часова акупаванымі тэрыторыямі МЗС Украіны называе крывадушнай і лічыць яе «чарговым сведчаннем падтрымкі захопніцкай вайны».
«Заклікаем беларускі народ усвядоміць, што на фоне неаднаразовых кантактаў службовых асоб Беларусі з расійскімі марыянеткамі з нашых часова акупаваных тэрыторый пастаянныя заявы Аляксандра Лукашэнкі аб яго «цёплых пачуццях» да «братэрскага ўкраінскага народу» гучаць як насмешка, а яго практычныя дзеянні руйнуюць прынцыпы добрасуседства і ўзаемнай павагі, на якіх будаваліся адносіны паміж украінскім і беларускім народамі», — дадае МЗС.
Дзеянні палітычнага кіраўніцтва Беларусі будуць мець негатыўныя наступствы для ўкраінска-беларускіх адносін, папярэджвае МЗС Украіны.
Цяпер чытаюць
Каб не сядзець у Расіі за наркотыкі, малады даносчык з Ашмянаў запісаўся на фронт. Дый згінуў8
Каментары
Это же надо было так умудриться, чтобы, за 30 лет, Независимое Государство Беларусов привести к уровню Донбабве и Лугандонии, которые построенные Россией в Украине.
На месте Независимой Беларуси - построен скотный двор лукашенок на задворках русского мира России, в котором напррочь отсутствует субъектность.
Сустрэньцеся нарэшце з Ціханоўскай, народ яе выбраў у 2020-м як свайго прадстаўніка.
Невядома, на што дагэтуль спадзяваецеся з Лукашэнкай. Адна марыянетка-самадур на падкантрольных Расеі тэрыторыях сустрэлася з другой марыянеткай з такіх жа тэрыторый.