У Дзяржаўным музеі Абхазіі вісіць партрэт Шаміля Басаева. І здымаць яго пакуль адмаўляюцца
На наяўнасць партрэта адной з сімвалічных фігур колішняга чачэнскага супраціву Шаміля Басаева ў галоўным абхазскім музеі звярнулі ўвагу расійскія праўладныя тэлеграм-каналы, палітолагі і актывісты і пачалі скандал. Амбасада Расіі ў Абхазіі назвала дэманстрацыю партрэта «недапушчальнай».
Шаміль Басаеў у 1992 годзе ваяваў з Грузіяй на чале чачэнскага атрада на баку абхазскіх сепаратыстаў і за гэта быў узнагароджаны вышэйшай узнагародай Абхазіі — медалём «Герой Абхазіі». У Абхазіі яго шануюць дагэтуль.
Пасля таго, як пачаўся скандал, доступ да экспазіцыі «Героі Абхазіі» часова закрылі. Аднак увогуле яго здымаць абхазы пакуль адмаўляюцца.
Супрацоўнікі музея ў каментары «РИА Новости» патлумачылі, што партрэт Шаміля Басаева вісіць у будынку музея з 2012 года. І адміністрацыя не будзе яго прыбіраць датуль, пакуль не будзе адпаведнай пастановы суда, або пакуль самога Басаева не пазбавяць звання героя Абхазіі.
«У перыяд Айчыннай вайны народа Абхазіі ён дапамог нам атрымаць перамогу над войскам Дзяржаўнай рады Грузіі. Ён частка нашай гісторыі. Мы самі не будзем здымаць яго фота», — заявілі ў музеі.
Шаміль Басаеў — адна з ключавых постацяў чачэнскай вайны за незалежнасць ад Расіі, якая адбывалася ў 1990-я гады. Ён працягваў змаганне нават пасля таго, як расійскай арміі ўдалося ўзяць тэрыторыю Чачні пад кантроль, расійскім спецслужбам удалося яго забіць толькі 10 ліпеня 2006 года. Да таго часу ён лічыўся ў чачэнскім супраціве фігурай № 1.
Расія дабіваецца, каб Абхазія дазволіла масавае перасяленне туды расіян. Для гэтага спыніла выплату заробкаў абхазам
Грузія мае намер да 2030 года вярнуць Абхазію і Паўднёвую Асецію і стаць членам ЕС
Прэзідэнт самаабвешчанай Абхазіі заявіў, што зацікаўлены ва ўступленні ў Саюзную дзяржаву. Але пры ўмове
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары