Кіруючая партыя Грузіі ў перадвыбарчай кампаніі параўнала разбураныя гарады ва Украіне і цэлыя ў сваёй краіне
І заклікала «выбраць мір».
Серыю плакатаў і відэаролік партыі «Грузінская мара», на якіх разбураныя гарады Украіны супрацьпастаўленыя гарадам Грузіі, паказалі сёння, піша Newsgeorgia.
Надпісы на плакатах і ў відэа прапануюць выбаршчыкам «выбраць мір» і сказаць «Не вайне», адзначае Newsgeorgia.
Прэзідэнт Грузіі Саломэ Зурабішвілі заявіла, што перадвыбарчая агітацыя «Грузінскай мары» была выраблена «ў кузніцы КДБ».
«Я ніколі не бачыла нічога такога ганебнага, такога крыўднага для нашай культуры, традыцый, гісторыі і веры. Як гэта нікчэмна, вывешваць для свайго народа плакат, выраблены ў кузнях КДБ, без годнасці і сораму», — адрэагавала на рэкламу прэзідэнт Грузіі Саломэ Зурабішвілі.
Парламенцкія выбары ў краіне пройдуць 26 кастрычніка.
Каментары