У жодзінскай паліклініцы абвяргаюць, што ў іх у рэгістратуры памёр мужчына
Паводле афіцыйнай інфармацыі, 3 кастрычніка ў Жодзіне было зафіксавана дзве смерці. Ніводная з іх не адбылася ў паліклініцы, паведаміла выданне «Мінская праўда».
«Паліклініка адкрываецца ў 7:00, здача аналізаў пачынаецца ў 7:30, а прыём спецыялістаў — у 8: 00. Пастаянна каля рэгістратуры знаходзіцца адміністратар», — заявіла галоўная доктарка Жодзінскай паліклінікі Таццяна Нікіфарава.
Раней відавочцы паведамілі выданню Ex-press.by, што 3 кастрычніка ў жодзінскай паліклініцы ў чарзе па талоны памёр мужчына, якому на выгляд было за 70.
«Мужчына прыехаў у паліклініку на ровары, прыкладна ў 6:30, сядзеў у чаканні, пакуль адкрыецца рэгістратура. Мёртвым яго выявіў іншы чалавек, які таксама стаяў у чарзе. Каб атрымаць талон да некаторых лекараў, людзі прыязджаюць вельмі рана», — расказаў сведка.
Ex-press.by адзначае, што ў Беларусі недзяржаўныя СМІ пастаянна сутыкаюцца з цяжкасцямі ў атрыманні дакладнай інфармацыі па адчувальных пытаннях. Доступ да афіцыйных даных абмежаваны, а праверка такіх выпадкаў практычна немагчымая. Пры гэтым улады нярэдка хаваюць інфармацыю пра падзеі, якія могуць выклікаць грамадскае абурэнне.
Пры гэтым чэргі па талоны да лекара з самага ранку займаюць і ў Жодзіне, і ў Барысаве. Так, у ліпені барысавец прыйшоў да будынка мясцовай паліклінікі а чацвёртай гадзіне раніцы, каб быць першым у чарзе па талон. Ён узяў з сабой крэсла.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма7
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары