Яшчэ адзін беларус, якому пагражала экстрадыцыя на радзіму, атрымаў статус уцекача ў Арменіі
22 кастрычніка Служба міграцыі і грамадзянства МУС Арменіі прыняла рашэнне аб наданні статуса ўцекача беларусу Уладзіміру Баландзіну, паведамляе «Радыё Свабода».
36-гадовага грамадзяніна Беларусі Уладзіміра Баландзіна затрымалі на грузінска-армянскай мяжы, у кантрольна-прапускным пункце Баграташэн, і змясцілі ў турму ў Арменіі ў сакавіку 2024 года.
Як сцвярджаюць у Мінску, на радзіме Баландзіна абвінавачваюць нібыта ў растраце. Між тым адвакаты беларуса сцвярджаюць, што вытворцу мэблі Баландзіна прыцягнулі да адказнасці за ўдзел у пратэстах 2020 года супраць вынікаў прэзідэнцкіх выбараў у Беларусі.
Ванадзорскі офіс Хельсінкскай грамадзянскай асамблеі больш за восем месяцаў займаўся абаронай правоў Баландзіна, каб не дапусціць ягонай экстрадыцыі ў Беларусь.
Генпракуратура Арменіі прыняла рашэньне выдаць Уладзіміра Баландзіна Беларусі 31 траўня. У армянскай пракуратуры заявілі, што беларуская Генпракуратура нібыта дала гарантыі абароны ягоных правоў і свабодаў. Рашэнне армянскай пракуратуры, якое дазволіла экстрадыцыю, аспрэчвалі ў армянскіх судах, але марна.
Уладзімер Баландзін раней падаў заяўку на атрыманне прытулку, яе паралельна разглядала Служба міграцыі і грамадзянства МУС Арменіі.
Цяпер стала вядома, што хадайніцтва беларуса задаволілі — Уладзіміру Баландзіну больш не пагражае небяспека экстрадыцыі, паколькі цяпер ён мае статус уцекача ў Арменіі, а ягоная экстрадыцыя забароненая канвенцыяй, зазначаюць праваабаронцы.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары