Свет99

«Прама скажу, сітуацыя не такая, як мы думалі». Літоўскі палітык з групай фермераў з'ездзіў на экскурсію ў Беларусь

Літоўскае выданне Delfi атрымала ад аднаго са сваіх чытачоў фатаграфію з экскурсіі фермераў Салечніцкага раёна ў Беларусь. Сярод фермераў быў заўважаны і член рады Салечніцкага раёна Тадэвуш Рудзіс.

Тадэвуш Рудзіс другі злева

«Фермеры Салечніцкага раёна ( … ), атрымаўшы авансавыя плацяжы за дэклараваныя зямельныя ўчасткі ад Літвы і ЕС, змястоўна правялі час і трацілі атрыманыя грошы ў Беларусі ў незаконна абранага прэзідэнта гэтай краіны Аляксандра Лукашэнкі на Мінскім трактарным заводзе. Фермеры Салечніцкага раёна паехалі ў краіну, дзе за кратамі знаходзіцца больш за 1000 палітычных зняволеных, у іх ліку і вядомы праваабаронца, лаўрэат Нобелеўскай прэміі міру 2022 года Алесь Бяляцкі, у краіне, якая падтрымлівае вайну ва Украіне», — абураўся чалавек, які даслаў у рэдакцыю фота.

Тадэвуш Рудзіс, калі ў яго спыталі тлумачэнняў адносна гэтай сітуацыі, сказаў, што фермеры, маўляў, проста хацелі агледзець у Мінску трактарны завод, ездзілі па ўласнай ініцыятыве, а з беларускімі палітыкамі і ўвогуле пра палітыку падчас гэтай паездкі нібыта не размаўлялі.

«Людзі хацелі з'ездзіць і паглядзець. Мы думалі, з'ездзім апошні раз, былі ў Фінляндыі і падумалі, а якая сітуацыя ў Беларусі?

Ведаеце, прама скажу, сітуацыя не такая, як мы думалі. Завод там стары, нам не вельмі спадабаўся. […] Яшчэ пабывалі ў Мінску», — расказаў літоўскі рэгіянальны палітык.

Пра тое, што паездка ў Беларусь уяўляе нейкую небяспеку, ён, маўляў, нават не думаў.

Каментуючы па просьбе рэдакцыі Delfi гэты выпадак, палітолаг і кіраўнік віленскага офіса Freedom House Віціс Юрконіс адзначыў, што для літоўскіх грамадзян небяспека ў Беларусі акурат можа быць, бо «ў Беларусі ніхто не можа гарантаваць бяспеку чалавека — ні літоўскія, ні беларускія ведамствы, ні той, хто вас запросіць, калі такі чалавек ёсць».

«Калі мінскаму рэжыму падасца, што ваш арышт выгадны, выгадна зрабіць вас закладнікам, ён гэта зробіць. І тут ніхто не дапаможа, гэта не прававая дзяржава», — заўважыў палітолаг.

Акрамя таго, кожны падобны візіт выкарыстоўвае і беларуская прапаганда, прытым не абавязкова адразу падчас візіту. 

Каментары9

  • Жвір
    04.11.2024
    На фотцы савецкія людзі, клясыка. Няма пытаньняў, праўда, Гарлівы ? :)
  • Ай
    04.11.2024
    Преступники.
    Предатели родины.
    Лет по пять им в плечи.
    Чтоб не думали, что могут ездить куда захотят.
  • Быўшая бабарыканка
    04.11.2024
    "у краіне , дзе за кратамі знаходзіцца больш за 100 палітычных зняволеных"- 100 чалавек??? - летувісы больш лічыць ня ўмеюць?
    "- у краіне, якая падтрымлівае вайну ва Украіне» - краіна альбо хунта,якая гэтую краіну захапіла і з якой вы да гэтай пары гандлюеце, прадажныя?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9

Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак

Усе навіны →
Усе навіны

Будаўніка, які доўгі час жыў у Расіі, асудзілі ў Віцебску за палітыку. А цяпер абвясцілі «тэрарыстам»1

У Віцебскай вобласці затрымалі за ноч 11 чалавек за крадзеж каўбасы — яе выкідвалі праз акно7

«Пабачыў курс і ціха заплакаў». Што беларусы робяць з танным далярам?6

Беларуска папулярызуе альшанскі дыялект — паслухайце, як ён гучыць29

У мінскіх крамах прадаецца азіяцкая садавіна амаль за 120 рублёў2

«Бігбоі, кампусы, сіпіха». Вы таксама не зразумелі?13

Трамп націснуў чырвоную кнопку ў сябе на стале. І патлумачыў, навошта гэта зрабіў7

Колькасць насельніцтва планеты сістэматычна заніжаецца — навукоўцы2

Зяленскі: З Трампам абмяркоўвалі перадачу ЗША Запарожскай АЭС7

больш чытаных навін
больш лайканых навін

Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9

Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак

Галоўнае
Усе навіны →

Заўвага:

 

 

 

 

Закрыць Паведаміць