Дзяржкамваенпрам Беларусі паведаміў пра паспяховае правядзенне завяршальнага этапу выпрабаванняў беларускай зенітнай кіраванай ракеты для комплекса «Бук-МБ2».
Паведамляецца, што
«Сёння на тэрыторыі авіяцыйнага палігона сумесна з Міністэрствам абароны Рэспублікі Беларусь паспяхова адбыліся выпрабаванні першай айчыннай зенітнай кіраванай ракеты, распрацаванай Дзяржкамваенпрамам», — заяўляецца ў паведамленні.
Баявая стральба, паводле сцвярджэння ведамства, стала завяршальным этапам у распрацоўцы беларускага ЗРК «Бук-МБ2», які прыняты на ўзбраенне, з айчыннай кіраванай ракетай 9М318. Гэтая ракета нібыта павялічвае зону паражэння ЗРК «Бук-МБ2» да 70 кіламетраў.
Распрацаваная ракета прызначаная для паражэння хуткасных манеўраных аэрадынамічных цэляў, тактычных балістычных, крылатых, авіяцыйных і супрацькарабельных ракет і верталётаў (уключаючы тыя,: якія знаходзяцца ў рэжыме завісання) ва ўмовах інтэнсіўнага радыёэлектроннага процідзеяння, а таксама надводных і радыёкантрасных наземных цэляў.
Асаблівасць ЗУР 9М318 — наяўнасць актыўнай галоўкі саманавядзення, якая дазваляе паражаць цэлі, у тым ліку з нізкай адбівальнай паверхняй, з большай верагоднасцю, а таксама вызваляць цэлевы канал ЗРК, не чакаючы паражэння цэлі.
Лукашэнка адмаўляе, што Беларусь акупаваная Расіяй
У заходніх абласцях Украіны чакаюць больш паветраных трывог з-за вучэнняў у Беларусі
Лукашэнка працягвае гаварыць пра «Арэшнік»: Цэлі вызначаць будзем мы ў Беларусі, не расіяне
У Генштабе пракаментавалі рашэнне аб размяшчэнні ў Беларусі «Арэшніка»
«Арэшнік» для Беларусі. Куды Лукашэнка ўцягвае краіну
Што чакае Беларусь у бліжэйшыя пяць гадоў? А Расію і Еўропу? Спецдакладчык ААН па Беларусі дае свой расклад5
Каментары