Эканоміка

ШІ Claude пераганяе ChatGPT па папулярнасці ў праграмістаў і бізнэсу

Амерыканскі стартап Anthropic быў заснаваны ў 2021 годзе былымі супрацоўнікамі OpenAI. Зараз яго кошт можа дасягнуць 60 мільярдаў даляраў.

Дарыё Амадэй, генеральны дырэктар Anthropic, на TechCrunch Disrupt 2023. Фота: TechCrunch / Flickr / Wikimedia Commons

Як паведамляе The Wall Stree Journal, Anthropic вядзе перамовы аб прыцягненні $2 мільярдаў інвестыцый, што можа павысіць яго вартасць да $60 мільярдаў, паведамляе WSJ. Гэта больш чым утрая перавышае леташнюю ацэнку ў $18 мільярдаў.

Галоўны прадукт кампаніі — чат-бот Claude. Ён папулярны сярод праграмістаў і бізнэсу, але пакуль саступае ChatGPT у выкарыстанні звычайнымі карыстальнікамі. Гадавы прыбытак кампаніі ўжо дасягнуў $875 мільёнаў.

Адметнасць Anthropic — сур’ёзная заклапочанасць бяспекай выкарыстання штучнага інтэлекту. Кампанія не толькі падтрымлівае строгія стандарты тэставання, але і супрацоўнічае з дзяржаўнымі ўстановамі ЗША.

Як пісала «Наша Ніва» раней, Anthropic супрацоўнічае з Міністэрствам энергетыкі ЗША і Адміністрацыяй па нацыянальнай ядзернай бяспецы (NNSA), каб праверыць, ці могуць яе мадэлі ШІ быць выкарыстаны для стварэння ядзернай зброі.

Кампанія карыстаецца падтрымкай буйных партнёраў, — піша далей WSJ.

Напрыклад, Amazon уклаў у Anthropic $8 мільярдаў з 2023 года і забяспечвае яе дата-цэнтрамі. Іншы тэхналагічны гігант, Google, таксама ўкладвае мільярды ў развіццё кампаніі.

У цяперашні час Anthropic знаходзіцца ў шэрагу вядучых ШІ-стартапаў свету, саступаючы толькі SpaceX, OpenAI, Stripe і Databricks. Яго развіццё адбываецца на фоне глабальнага росту цікавасці да штучнага інтэлекту, які здольны кардынальна змяніць спосаб працы і жыцця людзей. Такія кампаніі, як OpenAI, xAI Ілана Маска і Perplexity, таксама актыўна прыцягваюць фінансаванне і расцягваюць межы магчымага.

Цяпер Anthropic становіцца ключавым гульцом у гонцы за стварэнне бяспечных і надзейных тэхналогій ШІ. А інвестары, як відаць, застаюцца аптымістамі наконт яго перспектыў, нягледзячы на высокія выдаткі і канкурэнцыю.

Каментары

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць