Пасля таго, як ДАІ папужала новымі камерамі, беларусы выстраіліся ў чэргі на тэхагляд
12 сакавіка ДАІ Гарадзенскай вобласці ў сваім інстаграме апублікавала гучную навіну пра тое, што цяпер любая камера на дарозе можа фіксаваць няпройдзены тэхагляд, піша abw.by. Пасля таго на некаторых станцыях дыягностыкі з'явіліся чэргі.
У Беларусі на станцыях «усе камеры кантролю хуткасці, а таксама камеры маніторынгу па ўсёй Беларусі цяпер паралельна правяраюць дзяржтэхагляд аўтамабіля, і калі яго няма, робяць аўтаматычнае фота парушэння, а следам вам прыляціць «ліст шчасця» са штрафам», — папярэдзіла тады ДАІ.
Гэтая інфармацыя была апублікаваная ў сторыс і праз суткі пасля публікацыі знікла. Хтосьці ўспрыняў навіну скептычна, а хтосьці паехаў на тэхагляд. На некаторых станцыях дыягностыкі з'явіліся чэргі.
Відэа чэргаў з аўтамабіляў апублікаваў блогер «Мерзкий Кокобай»
Прадпрыемства «Белтэхагляд» паказала, як выглядае сітуацыя на дзвюх станцыях.
«Чэргі на дыягнастычных станцыях №210 у Менску і №200 у Брэсце пасля навіны пра тое, што адсутнасць тэхагляду будуць фіксаваць камеры», — так падпісалі ў «Белтэхаглядзе» гэтыя фота.
Штраф за адсутнасць дазволу на ўдзел у дарожным руху выпісваецца толькі раз на суткі, а не пры кожным траплянні ў аб'ектыў камеры.
Калі парушэнне зафіксавала камера, то на першы раз прадугледжана папярэджанне. Другі раз на працягу года штраф складае 0,5 базавай велічыні (21 рубель). Трэці і наступныя разы на працягу года — 2 базавыя велічыні (84 рублі).
Цяпер чытаюць
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары
К звычайнаму рабству дадалася і цыфравое рабства