Двух жыхароў Мазыра асудзілі на 16 гадоў за забойства 22-гадовай даўніны
Гомельскі абласны суд вынес абвінаваўчы прысуд 72-гадоваму і 56-гадоваму мужчынам.
Яны прызнаныя вінаватымі ў забойстве з асаблівай жорсткасцю, учыненым групай асоб (п.6 і п. 15 ч. 2 арт. 139 Крымінальнага кодэкса). Яны асуджаныя кожны на 16 гадоў з адбываннем у папраўчай калоніі ва ўмовах узмоцненага рэжыму. Акрамя таго, суд спагнаў з абвінавачаных у салідарным парадку на карысць жонкі загінулага грашовую кампенсацыю маральнай шкоды 10 тысяч рублёў.
Забойства адбылося ў сакавіку 2003 года. Паводле версіі абвінавачвання мужчын з забітым распівалі спіртныя напоі ў бытавым вагончыку на тэрыторыі ААТ «Нафтазаводмантаж». Узнік канфлікт. Абвінавачаныя пачалі збіваць знаёмага ў вагончыку, а затым вывалаклі пацярпелага на вуліцу.
Яны нанеслі знаёмаму не менш за 66 удараў галавой, рукамі і нагамі па розных частках цела, пераважна ў жыццёва важныя органы. Далей яны не аказалі яму дапамогу і, «ведаючы аб неспрыяльных умовах надвор'я і нізкіх тэмпературах ноччу, пакінулі яго на вуліцы, жадаючы наступлення смерці. У выніку мужчына атрымаў абмаражэнне пальцаў ног і рук», — распавялі ў пракуратуры.
Мужчыну знайшлі і даставілі ў бальніцу, дзе ён памёр. Абвінавачаныя не прызналі віну. Таксама ў пракуратуры не ўказалі, чаму забойства было раскрыта толькі праз больш чым 20 гадоў.
Цяпер чытаюць
Пракурорскі начальнік абурыўся неабгрунтаванымі затрыманнямі беларусаў9
Каментары