Грамадства1919

Шматдзетная сям'я распавяла, што траціць на ежу 700-800 рублёў штомесяц. Людзі ў шоку, што ім хапае

Сама шматдзетная маці не разумее тых, хто траціць на меншую колькасць людзей 1700-2000 рублёў на ежу.

Фота з інстаграма Крысціны

Крысціна Сямашка жыве ў Новалукомлі. Разам з мужам яны гадуюць траіх дзяцей. Нядаўна ў тыктоку жанчына распавяла, што на ежу трацяць штомесяц усяго 700-800 рублёў.

Канечне, шмат каго невялікая сума здзівіла. Таму Крысціна вырашыла растлумачыць, як так атрымліваецца.

— Мы ходзім у магазін строга па спісе. Нашмат эканомней атрымліваецца, калі ідзе ў краму менавіта муж. Я, напрыклад, марнатраўца ў сям'і. Прадукты, якія хутка псуюцца, мы заўсёды купляем па меры неабходнасці, на гэта адкладзеныя грошы.

Іншы сакрэт эканоміі яшчэ больш празаічны: паўнавартасна (сняданак, абед і вячэра) сям’я харчуецца толькі на выходных.

— У будні дзеці, я, муж знаходзімся ў садку, школе, на працах. У нас з мужам заўсёды з сабой ссабойкі. Раніцай у нас у дарослых толькі голая кава. Я не магу а 6-й раніцы запхнуць у сябе сняданак. Муж таксама зранку не снедае. Дзеці п'юць гарбату з чым-небудзь. Або гэта будзе батон з нейкай шакаладнай пастай, або печыва.

З панядзелка па пятніцу дзеці ядуць у садку і школе. Па словах Крысціны, уся сям’я прыходзіць дамоў пасля 5-й вечара.

— Яны вячэраюць, а перад сном п’юць гарбату з чым-небудзь. Я не стаю днямі на кухні. У мяне такі графік, што нават калі б я хацела, дык не змагла б (Крысціна працуе медсястрой у рэанімацыі Новалукомльскай ЦРБ. — НН).

Але жанчына падкрэслівае: заўжды дома ёсць свежая ежа, ніхто галодным не сядзіць.

— Ёсць каўбаскі, рыба, курыца… Прадукты, якія спажывае любы нармальны чалавек. Я не разумею проста, як можна харчавацца на 1700-2000 рублёў штомесяц. Такое адчуванне, што людзі жаруць сланоў. Або ў іх жыццё заключаецца ў тым, што паелі — можна і паспаць, паспалі — можна і паесці.

Шматдзетная мама згадвае апошні паход у краму. Кажа, на 500 рублёў атрымалася набыць крупы, цукар, алей, фарш, каўбаскі, курыную тушку, лапатачную частку свініны.

Відэа завірусілася ў тыктоку і набрала некалькі соцень каментароў. Большасць людзей не можа ўкласціся ў такі бюджэт.

«Гэта нерэальна. Ну толькі калі ежа бедная, аднастайная, а прадукты танныя. Вы бачылі цэны на гародніну, садавіну, мяса? Толькі сёння крыху садавіны і агародніны купіла на 50 рублёў. Гэта на 2-3 дні».

«Нас трое, 1500 рублёў мінімум… Усё гатую сама і не разумею, як можна харчавацца танней. І так, гарбата з печывам — гэта не прыём ежы, а дадатак да яго».

«У нас не шматдзетная сям'я (два чалавекі), але на ежу столькі ж ідзе. Бо цэны цяпер конскія. Памідоры па 18 рублёў за кілаграм. Мяса шалёных грошай каштуе».

«Дзіўна для мяне. Я на рынку толькі гародніны і садавіны на тыдзень узяла за 180 рублёў. Апроч гэтага, каля 200 рублёў ідзе ў краме на прадукты на тыдзень. І мы нічога лішняга не бярэм».

«У маёй сям’і больш за 2000 рублёў на харчаванне сыходзіць. Дзеці дарослыя, іх батонам з пастай не завабіш. Вячэра паўнавартасная плюс садавіна абавязкова кожны дзень».

«У нас на траіх за месяц 1200-1300 рублёў. Не шыкуем, але і не жабруем. Хацелася б навучыцца як вы, але на жаль, то трускаўкі прадаюць, то рыбу чырвоную вазьму».

«Не, мы не ямо сланоў. Мы проста купляем якасную садавіну і гародніну круглы год. Калісьці вельмі даўно хадзіла ў краму строга па спісе, баюся нават успамінаць той час».

Каментары19

  • 12
    03.05.2025
    Нефанатка, Як бы яшчэ не стала горш!
    • Лўі
      03.05.2025
      Размова пра карыснае, разнастайнае і здаровае харчаваньне ці проста колькасць ежы на месяц па скідках у краме?
      Калі другое, дык варта запісваць відэа пад чырвона-зялёным сцягам, тады менш будзе непаразуменняў у каментарах.
    • Факт
      03.05.2025
      12, а стане...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Беларус стаў Героем Украіны. «Яго мужчынскі пачатак быў вельмі моцны»2

Беларус стаў Героем Украіны. «Яго мужчынскі пачатак быў вельмі моцны»

Усе навіны →
Усе навіны

Пяць гадоў таму арыштавалі Паўла Севярынца1

Эдуарда Малафеева не запрасілі на адкрыццё Нацыянальнага стадыёна6

Трамп: Украіна сама справакавала расійскія ўдары40

Харкаў трапіў пад масіраваную атаку: 40 выбухаў, пажары, ёсць загінулыя і параненыя

У Жыткавіцкім раёне жанчына заразіла ВІЧ 83-гадовага старога7

Пазняк: І рэжым Лукашэнкі, і псеўдаапазіцыя — гэта адно і тое ж143

Ярмошына: Я не пайду ў грамадскую лазню, проста таму што баюся26

Расія не зможа аднавіць страты дальняй авіяцыі пасля ўкраінскай аперацыі «Павуцінне»2

Стартап рабіў выгляд, што ён распрацаваў штучны інтэлект. Насамрэч, ён наняў 700 праграмістаў і яны стваралі прадукты ўручную3

больш чытаных навін
больш лайканых навін

Беларус стаў Героем Украіны. «Яго мужчынскі пачатак быў вельмі моцны»2

Беларус стаў Героем Украіны. «Яго мужчынскі пачатак быў вельмі моцны»

Галоўнае
Усе навіны →

Заўвага:

 

 

 

 

Закрыць Паведаміць