У Гомелі хлопец расказаў, што спатыкнуўся і ўпаў на свой акурак. А пасля на ім загарэлася адзенне
Гамельчука шпіталізавалі з апёкамі.
Прывакзальная плошча ў Гомелі — месца незвычайнага інцыдэнту. Фота: Вікіпедыя
2 мая ў гомельскую бальніцу прыйшоў хлопец з апёкамі.
27-гадовы гамельчук патлумачыў, што два тыдні таму ішоў па Прывакзальнай плошчы і курыў. Па яго словах, ён спатыкнуўся, упаў на акурак, пасля чаго на ім загарэлася адзенне, якое самастойна патушыў.
Урэшце ён вырашыў звярнуцца па медыцынскую дапамогу і быў шпіталізаваны з апёкамі.
Каментары