Прычынай смерці вядомага беларускага актывіста Змітра Каспяровіча стаў пералом асновы чэрапа. Праваахоўнікі лічаць, што адбыўся няшчасны выпадак, піша «Еўрарадыё».
Як мяркуецца, Каспяровіч атрымаў траўму (імаверна, упаў з лесвіцы), але здолеў устаць, падняцца з цокальнага на два паверхі і трапіць у сваю кватэру. Там яго знайшлі мёртвым праз тры дні пасля здарэння.
Змітру Каспяровічу было 43 гады. Ён быў у апазіцыі з юных гадоў, актыўна ўдзельнічаў у розных рухах, быў сябрам Сойма Партыі БНФ, а зарабляў як прадпрымальнік. Ён быў арганізатарам розных культурных ініцыятыў і фанатам падарожжаў: сам аб'ехаў паўсвету, больш за 70 краін.
Упершыню Змітра Каспяровіча судзілі ў 2006 годзе. За сарваны чырвона-зялёны сцяг яму прызначылі пяць месяцаў арышту.
У 2022-м годзе Дзмітрый выехаў з Беларусі і прызнаўся, што супрацоўнічаў з беларускімі спецслужбамі. З ягонага прызнання многае заставалася няясным — было ясна толькі, што гэтая супраца магла быць даўняй.
Мёртвым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ
Каспяровіч памёр тры дні таму, але цела знайшлі толькі цяпер
«Пабачыў шмат крыві». Сябар 43-гадовага Змітра Каспяровіча расказаў, як знайшоў яго цела
У Польшчы завялі справу аб ненаўмысным забойстве пасля гібелі актывіста Каспяровіча
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах1
Каментары