Абраны прэзідэнт Польшчы Караль Наўроцкі заявіў, што мае намер неўзабаве наведаць Украіну і сустрэцца з Уладзімірам Зяленскім. Дакладная дата сустрэчы пакуль невядомая.
У інтэрв’ю польскаму тэлеканалу Polsat News Наўроцкі адзначыў, што плануе наведаць усіх суседзяў Польшчы, і сустрэча з прэзідэнтам Украіны стане часткай гэтага працэсу. Ён падкрэсліў, што паміж Украінай і Польшчай існуе шмат агульных інтарэсаў і мэтаў.
У той жа час Наўроцкі прызнаў, што ёсць і спрэчныя пытанні, якія застаюцца невырашанымі. У прыватнасці, ён узгадаў праблему з польскімі фермерамі і пытанне эксгумацыі ахвяр Валынскай трагедыі часоў Другой сусветнай вайны.
Пазіцыя Наўроцкага адносна Украіны застаецца супярэчлівай. Падчас перадвыбарчай кампаніі ён заяўляў, што не дапусціць уступлення Украіны ў НАТА, каб атрымаць падтрымку выбарцаў іншага кандыдата. Аднак пасля перамогі ён змякчыў сваю пазіцыю, заявіўшы, што цяпер уступленне Украіны ў НАТА немагчымае, пакуль краіна знаходзіцца ў стане вайны з Расіяй.
Таксама ён адзначыў, што Украіна не павінна далучацца да Еўрасаюза, пакуль не выканае ўсе патрабаванні для сяброўства.
Анджэй Дуда паабяцаў Ціханоўскай арганізаваць ёй сустрэчу з Наўроцкім
Як дачка новага прэзідэнта Польшчы Караля Наўроцкага стала зоркай і скрала ўвагу ўсёй краіны
Дуда: Расія выдыхаецца, а мы мацнеем. А наконт Украіны ў НАТА я з Наўроцкім пагавару
Зянон Пазняк адправіў сардэчныя віншаванні Каралю Наўроцкаму
Цяпер чытаюць
З псіхбальніцы збег былы начальнік Ганцавіцкай міліцыі13
Каментары