Суд абавязаў USAGM выплаціць Радыё Свабода сродкі за 2025 фінансавы год
Суд у ЗША задаволіў хадайніцтва медыакарпарацыі Радыё Свабодная Еўропа/Радыё Свабода (РСЕ/РС) аб выдачы папярэдняй судовай забароны ў пазове супраць Агенцтва ЗША па глабальных медыя (USAGM) з-за непералічэння выдзеленых ёй раней Кангрэсам сродкаў, піша Расійская служба Радыё Свабода.
Суддзя Акруговага суда акругі Калумбія Ройс Ламберт у рашэнні ад 18 ліпеня пастанавіў, што USAGM абавязана пералічыць РСЕ/РС усе выдзеленыя на 2025 фінансавы год Кангрэсам сродкі, дагэтуль не пералічаныя медыакарпарацыі. Суддзя прыйшоў да высновы, што патрабаванні USAGM увесці новыя абцяжарвальныя ўмовы як умову для пералічэння грантаў, а таксама адмова Агенцтва весці добрасумленныя перамовы з РСЕ/РС, парушаюць закон.
«Наколькі вядома суду, яшчэ не было выпадку, каб агенцтва патрабавала цалкам змяніць умовы шматгадовага супрацоўніцтва з атрымальнікам гранта, а затым адмаўлялася ад перамоваў, асабліва калі паводле закона яно абавязана штогод выдзяляць сродкі гэтаму атрымальніку», — адзначыў суддзя.
Пагроза спынення фінансавання РСЕ/РС выклікала хвалю спачування з боку спецыялістаў па СМІ, аналітыкаў і абаронцаў дэмакратыі па ўсім свеце, а таксама аўдыторыі, якой вяшчае на 27 мовах у 23 краінах медыакарпарацыя.
У сваім рашэнні суддзя Ламберт падкрэсліў, што «відавочнае ігнараванне USAGM сваіх абавязацельстваў па фінансаванні» прывяло да масавых звальненняў супрацоўнікаў РСЕ/РС, адмены некаторых праграм і значнай шкоды для глабальнага ўплыву медыакарпарацыі, які яе рэдакцыі нарошчвалі дзесяцігоддзямі.
Прэзідэнт і генеральны дырэктар РСЕ/РС Стыў Капус у сваёй заяве сказаў, што рашэнне суда — «вынік упартай юрыдычнай барацьбы за атрымання сродкаў, неабходных для выканання нашай жыццёва важнай місіі».
«Гэтая перамога стварае для нашых журналістаў неабходны імпульс для працягнення працы і забеспячэння нашай аўдыторыі (амаль 47 мільёнаў чалавек на тыдзень) дакладнай інфармацыяй, якая супрацьдзейнічае зламыснай прапагандзе аўтарытарных рэжымаў», — дадаў ён.
«Зараз як ніколі важна не саступаць інфармацыйную прастору тыранам», — падкрэсліў Капус, адзначыўшы, што дзякуючы рашэнню суда «РСЕ/РС зможа па-ранейшаму прасоўваць нацыянальныя інтарэсы ЗША ў сферы бяспекі».
USAGM — незалежнае ўрадавае агенцтва ЗША, якое забяспечвае навінавае і інфармацыйнае вяшчанне. У яго склад уваходзяць такія сродкі масавай інфармацыі, як РСЕ/РС, Голас Амерыкі, Радыё Свабодная Азія, Офіс вяшчання на Кубу (Радыё Марці), Блізкаўсходнія вяшчальныя сеткі і Фонд адкрытых тэхналогій. Агульны бюджэтны запыт USAGM на 2025 фінансавы год складаў 950 мільёнаў долараў. Запыт бюджэту на 2025 год для РСЕ/РС, паводле дакументаў USAGM, складаў каля 153 мільёнаў даляраў.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары