12 БРСМаўцаў пікетавалі 14 красавіка рэдакцыю «Народнай волі».
12 сябраў праўладнай арганізацыі Беларускі рэспубліканскі саюз моладзі пікетавалі 14 красавіка рэдакцыю «Народнай волі».
Як і тыдзень таму паказное незадавальненне пікетоўшчыкаў выклікаў перадрук у недзяржаўнай газеце кнігі Іллі Копыла «Нябышына», дзе распавядаецца пра дзейнасць савецкіх партызан у Бягомльскім раёне ў часе нямецкай акупацыі.
Тыдзень таму аналагічны пікет зладзіла мінская гарадская арганізацыя ветэранаў вайны.
БРСМаўцы трымалі ў руках плакаты: «Они победили! Вы врёте!», «Народная ли? Воля ли?».Ва ўсіх на пінжаках і куртках былі прышпіленыя георгіеўскія стужкі.
Пікет ладзіла мінская гарадская арганізацыя БРСМ пад кіраўніцтвам першага сакратара Алены Хадыкі, якая заявіла падчас акцыі: «К нам тут ветераны приходят, плачут».
Маладзёны з БРСМ наведалі шэф‑рэдактара выдання Святлану Калінкіну, якая зазначыла, што заўвагі ветэранаў прынятыя да ведама і, магчыма, у найбліжэйшых нумарах ветэранам будзе прадастаўлена слова на бачынах выдання.
БРСМаўцы падчас пікета раздавалі кнігу «Памяць. Мінск» з прымацаванай цыдулкай «Освежите память».
Ілля Копыл у сваёй кнізе пісаў пра Бягомльскі раён.
Цікава, хто прыдзе наступны пікетаваць «Народную волю»?
Цяпер чытаюць
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку1
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары