За дзецьмі ў школах будуць пільна сачыць па камерах — каб яны не карысталіся тэлефонамі
З 1 верасня ў беларускіх школах будуць забаронены мабільнікі. Чыноўнікі распавялі, як будуць сачыць за тым, каб дзеці не парушалі забарону.
Працаваць новыя правілы будуць так: школьнікі перад пачаткам урокаў павінны будуць здаць свае смартфоны. Гаджэты будуць захоўвацца ў спецыяльнай шафе. Вернуць дзецям тэлефоны толькі пасля ўрокаў.
Намеснік старшыні камітэта па адукацыі Мінгарвыканкама Глеб Лаўрыновіч расказаў, што за дзецьмі будуць сачыць па камерах назірання — каб яны не прыносілі ў школу другія тэлефоны.
«Калі дзіця прынясе другі тэлефон і паспрабуе яго выкарыстоўваць, гэта, вядома, будзе зафіксавана. Але ў першую чаргу тут важная пазіцыя сям'і. Бацькі павінны ведаць, з чым дзіця ідзе ў школу», — адзначыў Лаўрыновіч у каментары для Мінск-Навінаў.
На пытанне, як вучні змогуць пры неабходнасці звязацца з бацькамі, чыноўнік растлумачыў, што сувязь будзе арганізавана праз дзяжурнага адміністратара школы або праз класнага кіраўніка.
«Сістэма камунікацыі прадумана і будзе працаваць у планавым рэжыме», — адзначыў Лаўрыновіч.
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі31
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары