Учора раніцай на Грушаўцы заўважылі пасадку верталёта на школьны стадыён. Паветраны транспарт належыць МНС, а на борце знаходзіўся каштоўны груз — донарскае сэрца.
Скрыншот відэа МНС
Санітарная авіяцыя МНС прылятае на стадыён школы №105 не ўпершыню. Як аказалася, верталёт і пляцоўку выкарыстоўваюць больш за 10 гадоў для дастаўкі донарскіх органаў.
У Міністэрстве аховы здароўя растлумачылі, што на борце знаходзілася донарскае сэрца — яго даставілі ў РНЦП «Кардыялогія», які знаходзіцца побач.
За мінулы год такім чынам выканалі 13 даставак. А з пачатку гэтага года верталёт МНС даставіў у цэнтр 8 донарскіх сэрцаў.
Першую перасадку сэрца ў Беларусі зрабілі ў лютым 2009 года, а ў 2016-м упершыню правялі трансплантацыю комплексу сэрца — лёгкае.
Цяпер чытаюць
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1010
Каментары