Анджэй Дуда, які нядаўна пакінуў прэзідэнцкую пасаду, стаў вядучым папулярнага польскага ютуб-канала Kanał Zero. Пра гэта паведаміў стваральнік праекта Кшыштаф Станоўскі, які таксама ўдзельнічаў у выбарах прэзідэнта Польшчы ў 2025 годзе.
«З непрыхаваным задавальненнем я магу абвясціць, што ў канала Zero з'явіўся новы аўтар. Прэзідэнт Анджэй Дуда запісвае 16 ролікаў на 16 гарачых тэм. Дзясяткі суразмоўцаў, здымкі, сітуацыі. Успаміны і погляд на бягучыя пытанні», — напісаў Станоўскі ў сацсетцы X.
Першы выпуск пакажуць 15 верасня.
Kanał Zero з’явіўся ў 2024 годзе і цяпер мае больш за два мільёны падпісчыкаў. Першае інтэрв’ю каналу ў свой час даў Анджэй Дуда, калі яшчэ быў на пасадзе.
Пакінуўшы прэзідэнцкі палац, Дуда разам з жонкай Агатай пераехаў у Кракаў, дзе сям'я набыла кватэру.
Былы кіраўнік дзяржавы атрымлівае ў Польшчы шэраг прывілеяў: так званую «прэзідэнцкую пенсію» ў 11—12 тысяч злотых (каля 2,7—3 тысячы даляраў), а дадаткова яшчэ каля 12 тысяч злотых штомесяц на ўтрыманне офіса, пажыццёвую ахову і медабслугоўванне, а таксама права карыстацца дзяржаўным лімузінам. Акрамя гэтага, былому прэзідэнту належыць трохмесячная выхадная дапамога.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары