Вольга Карпушонак дайшла ў сваіх скаргах да Парламенцкай асамблеі Рады Еўропы
Дэлегатка Каардынацыйнай рады Вольга Карпушонак 3 верасня адправіла скаргу прэзідэнту Парламенцкай асамблеі Рады Еўропы (ПАРЕ) Тэадорасу Русапулусу. У ёй яна зноў абвінаваціла кіраўніка Народнага антыкрызіснага ўпраўлення Паўла Латушку ў сэксуальных дамагальніцтвах.
У лісце Карпушонак таксама згадала іншых супрацоўніц НАУ, якія нібыта падтрымліваюць з Латушкам інтымныя адносіны. Таксама яна заявіла, што пакінула ЕС з-за боязі за сваё жыццё і ў гэты момант знаходзіцца ў Бразіліі.
Ліст аформлены на бланку Каардынацыйнай рады.
Павел Латушка ў сваім тэлеграм-канале заявіў, што дзеянні Вольгі Карпушонак, у тым ліку і гэты яе зварот, накіраваныя на дыскрэдытацыю і ліквідацыю Каардынацыйнай рады. Ён падкрэсліў, што гэта адбываецца па заданні спецслужбаў Лукашэнкі і можа пазбавіць беларускую дэлегацыю статусу ў ПАРЕ і іншых еўрапейскіх структурах. У сувязі з гэтым ён заклікаў Святлану Ціханоўскую, спікера Каардынацыйнай рады і прадстаўнікоў яе дэлегацый у еўрапейскіх парламенцкіх структурах заняць публічную пазіцыю ў падтрымку Каардынацыйнага рады і агульнай барацьбы за перамены ў Беларусі.
Усё пачалося з таго, што 30 жніўня ў сваім блогу ў фэйсбуку Вольга Карпушонак абвінаваціла Латушку ў нібыта дамаганнях.
Ён у адказ рашуча адкінуў усе абвінавачванні, заявіўшы, што гатовы прайсці паліграф, і назваў гэта выступленне вынікам дзеянняў спецслужбаў беларускага рэжыму супраць беларускага дэмакратычнага руху.
Латушка: Заява Карпушонак у паліцыю Іспаніі — поўны прававы абсурд
Вольга Карпушонак знаходзіцца ў Рыа-дэ-Жанэйра?
Карпушонак апублікавала тэкст сваёй заявы на Латушку ў іспанскую пракуратуру
Нехта ад імя Вольгі Карпушонак выйшаў на сувязь з «Нашай Нівай»
«Такое ж пошлае і дурное». У Латушкі адказалі на новае відэа Вольгі Карпушонак
Дэлегатка КР Карпушонак пасля маўчання апублікавала відэа
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары