«Паліто за заробак?» Агляд асартыменту і цэн у краме «Элема» здзівіў беларусаў
«З усяго, што прадстаўлена, магу дазволіць сабе толькі шалік».
Жыхарка Бабруйска схадзіла ў краму адзення «Элема» і паказала асеннія паліто, курткі і аксесуары. Карыстальнікі сацсетак вельмі здзівіліся цэнам, заўважыла BGmedia.
Увосень у «Элеме» абнавілі калекцыю адзення. На відэа, якое актыўна абмяркоўваюць у сеціве, беларуска паказала выбар паліто, куртак, шапак і шалікаў. Паводле яе слоў, мадэлей і колераў вельмі шмат.
Але гледачоў уразіў не асартымент, а цэны.
Так, паліто каштуюць ад 324 да 1 070 рублёў. На частку асенніх мадэлей дзейнічае зніжка 30%, за выключэннем новай калекцыі. Курткі таксама прадаюцца са зніжкай, шалікі каштуюць ад 8 да 30 рублёў.
Часцей за ўсё каментатары абмяркоўвалі кошт паліто.
- «Паліто больш за 1000 рублёў — з чаго яно? Дыяменты на гузіках?»
- «Мадэлі ніякія, колеры пакідаюць жадаць лепшага, затое цэны «лятаць» навучыліся».
- «Месяц працаваць, каб купіць паліто? А жыць за што тады?»
- «Дзякуй за агляд. З усяго, што прадстаўлена, магу дазволіць сабе толькі шалікі».
Некаторыя карыстальнікі адзначалі, што якасць сапраўды адпавядае цане: ваўняныя паліто каштуюць даражэй, але служаць некалькі сезонаў. Іншыя параўноўвалі з сэканд-хэндам ці рынкам, дзе аналагічнае паліто можна купіць танней.
Таксама выклікала пытанні, хто з'яўляецца мэтавай аўдыторыяй крамы: пры сярэднім заробку па краіне многія не могуць дазволіць сабе паліто за 1 000 рублёў.
Некаторыя каментатары адзначалі, што нават швачкі і закройшчыцы «Элемы» наўрад ці купяць уласную прадукцыю па такіх цэнах.
- «А гэта прабачце для каго? Беларусы не могуць насіць беларускае. Абсурд!»
- «Тыя, хто могуць дазволіць сабе па такіх цэнах паліто, відавочна, па такіх крамах не ходзяць. А для астатніх гэта — недапушчальная раскоша».
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ31
Каментары
"Сбылісь мечты народные!"