Беларусаў клічуць на анлайн-курсы па псіхалогіі і стварэнні суполак. Усё бясплатна
Адукацыйны хаб «Нацыі лідараў» праводзіць для беларусаў курсы, каб дапамагчы набыць веды па фінансавай пісьменнасці, псіхалагічнай устойлівасці, вырашэнні канфліктаў, свядомым бацькоўстве, экалогіі… Ёсць і размоўныя клубы — для тых, хто хоча вучыць беларускую і англійскую мовы.
Адукацыйны хаб «Нацыі лідараў» быў створаны ў 2021 годзе. Цяпер у камандзе 40 чалавек. Сярод іх — эксперты па паліталогіі, фінансах, псіхалогіі, культуры і іншых абласцях.
«Нацыя лідараў» праводзіць бясплатныя анлайн-курсы па самых розных тэмах — па публічнай палітыцы, прававой пісьменнасці, кіраванні сямейнымі фінансамі і іншых тэмах. Працягласць курсаў — адзін-два месяцы.
Заняткі скіраваныя на тое, каб палепшыць жыццё чалавека — у эмацыянальным, фінансавым, сямейным ці прававым плане, — і арыентаваныя на беларусаў за мяжой. Звычайна навучацца прыходзяць людзі 25—55 гадоў, якія хочуць больш ведаць пра кіраванне сямейным бюджэтам, развіццё ўласнай асобы і псіхалагічную ўстойлівасць.
Дзякуючы курсам, удзельнікі знаходзяць бясплатную дапамогу для вырашэння ментальных праблем — напрыклад, выгарання, вывучанай бездапаможнасці, — шукаюць апоры, шляхі пераадолець крызіс у эміграцыі.
У водгуках выпускнікі курсаў адзначаюць практыкаарыентаванасць атрыманых ведаў.
«Гэта не голая тэорыя, мы будуем курсы так, каб людзі разумелі, што яны практычна атрымаюць у жыцці, як яны могуць сваё жыццё палепшыць», — кажуць сябры каманды.
Апроч курсаў, у хабе ёсць розныя гурткі. Напрыклад, для тых, хто хоча практыкаваць беларускую мову, або клуб псіхалагічнай самадапамогі. Ёсць і клуб вывучэння англійскай мовы.
Хаб «Нацыя лідараў» быў створаны з мэтай умацавання грамадзянскай супольнасці Беларусі.
«Нам важная Беларусь, мы хочам дадому, для гэтага трэба паслядоўна змяняць грамадства, каб змены былі трывалымі і незваротнымі», — дзеліцца каманда сваёй матывацыяй да ўдзелу ў праекце.
Усе дасяжныя на гэты момант курсы і магчымасці для самаразвіцця шукайце на сайце «Нацыі лідараў».
*У Беларусі медыярэсурсы «Нацыя лідараў» уключаныя ў спіс арганізацый, датычных да «экстрэмісцкай дзейнасці».
Цяпер чытаюць
Лукашэнка выказаўся пра дэфіцыт медыкаў і прапанаваў ім працаваць больш9
Каментары
Хто яны наогул такія?
А потым выйшаўшым няма дзе жыць і што есці.
RU :
кликать
1) (кричать) крычаць
2) (громко звать) клікаць, гукаць
3) (называть) клікаць, зваць
BY :
клікаць, ✂; незак.
Голасна зваць, прасіць прыйсці, адгукнуцца.
К. на ратунак. К. бабулю. К. курэй (падзываць, склікаць).
Запрашаць з якой-н. мэтай.
К. на вяселле. К. на ўрачысты вечар. Заклікаць да якіх-н. дзеянняў.
К. народ на барацьбу.
каго (што) кім або (пры пытанні) як. Называць якім-н. імем (разм.).