Абноўлены мост цераз Прыпяць у Мазыры пасля двух гадоў рэканструкцыі быў урачыста адкрыты 6 лістапада ў прысутнасці Аляксандра Лукашэнкі. Новы мост стаў больш шырокім, там з’явіўся ліфт і, як абяцаюць, арыгінальная падсветка.
На цырымонію былі запрошаны прадстаўнікі працоўных калектываў дарожных арганізацый, якія ўдзельнічалі ў будаўніцтве моста, жыхары Мазырскага раёна. «Па існуючай традыцыі да Дня Кастрычніцкай рэвалюцыі людзям падносяць падарункі — значныя, маштабныя аб'екты, і абноўлены мост — адзін з іх», — напісала Белта.
Ранейшы мост цераз Прыпяць на гэтым месцы быў пабудаваны ў 1958 годзе. Праз дзесяцігоддзі эксплуатацыі яму спатрэбілася рэканструкцыя. Работы вяліся на працягу двух гадоў.
Абноўлены мост стаў больш шырокім (10 метраў замест сямі), на ім абсталяваны аглядная пляцоўка на новай вантавай арцы, ліфт з боку Мазыра, «арыгінальная» падсветка.
Сам мост дзякуючы вантавай арцы і падсветцы яшчэ да адкрыцця стаў аблюбаванай фотазонай для жыхароў Мазыра, піша Белта.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары