Беларусь імкнецца да бяспекі ва ўсходнееўрапейскім рэгіёне і гатовая да дыялогу з краінамі, якія ўваходзяць у НАТА. Пра гэта заявіў начальнік дэпартамента міжнароднага ваеннага супрацоўніцтва — памочнік міністра абароны рэспублікі па пытаннях міжнароднага ваеннага супрацоўніцтва Валерый Равенка.
Равенка адзначае, што ўзаемаадносіны Мінска з краінамі Захаду і НАТА складаюцца вельмі праблематычна.
Паводле яго слоў, Захад «захацеў падпарадкаваць Беларусь сваім інтарэсам» і вырашыў ізаляваць нашу краіну, «нанесці ёй пэўны эканамічны, палітычны, маральны ўрон».
«Натуральна, мы з гэтым не згодныя. У нас свая палітыка, у тым ліку добрасуседства, падтрыманне бяспекі ва ўсходнееўрапейскім рэгіёне», — патлумачыў памочнік міністра.
Равенка заявіў, што беларускі бок гатовы да дыялогу з краінамі — членамі НАТА.
«Мы акрэдытавалі шэраг дзяржаў — членаў НАТА ў Рэспубліцы Беларусь. На сённяшні дзень гэта 10 дзяржаў. Гатовы прадаставіць ім пазіцыю Рэспублікі Беларусь, мы гатовы чуць іх пазіцыю і прыходзіць да нейкага кансэнсусу для падтрымання бяспекі ў нашым рэгіёне», — сказаў ён у інтэрв'ю тэлекампаніі «ВаенТБ».
-
З асуджанага за шпіянаж знаёмага Вольгі Карач у турме вымагалі грошы. А ён хваліўся, што можа дастаць іх у пасольстве Беларусі
-
У мінскім парку Чавеса два дні будзе працаваць зіплайн — рэч са спускам на шалёнай хуткасці
-
Лукашэнка загадаў, каб былых сілавікоў, ратавальнікаў і дыпламатаў, звольненых «па дыскрэдытуючых», адсочвалі пяць гадоў
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам5
Каментары