Бабарыка: Я быў кандыдат, зручны для ўсіх беларусаў. Хто быў за Расію, жылі ў міфе, што гэта выгадна Расіі
У новым выпуску ТОКу Віктар Бабарыка патлумачыў, чаму ўжо на трэці дзень пасля абвяшчэння свайго намеру ісці на выбары разумеў, што амаль гарантавана выйграе.
Як згадвае Віктар Бабарыка, 13 мая 2020‑га запрацавала сістэма электроннага запісу ў яго ініцыятыўную групу.
«А далей адбылося тое, што адбылося. Прыйшлі людзі, якія аддалі ўсе свае здольнасці і таленты для таго, каб гэта здарылася. (…) Аказалася, што гэты крок (вылучэнне ў прэзідэнты — НН) насамрэч патрэбны не толькі мне і маім унукам альбо маёй адказнасці перад унукамі. Аказалася, што гэта рэальна патрэбна беларусам», — адзначае палітык і дадае:
«На трэці дзень я ўжо разумеў, што мы амаль гарантавана выйграем. (…) Калі было 10 тысяч [членаў ініцыятыўнай групы], мы разумелі сілу сеткавага эфекту і мелі выразнае разуменне, наколькі чаканне іншай Беларусі жыве ў Беларусі».
На пытанне, чаму людзі былі гатовы аддаць свой голас за яго, Бабарыка адказвае:
«Гэта была кандыдатура, зручная для ўсіх беларусаў. Тыя, хто быў за Расію, жылі ў міфе, што гэта выгадна Расіі, і ў нас наступіць шчасце.
Тыя, хто жылі і думалі пра Беларусь, бачылі праекты, якія мы рабілі ў падтрымку Беларусі, і казалі, што так, гэта сапраўдны [кандыдат], рэальна, хто будзе рабіць і далей штосьці для Беларусі.
Тыя, хто хацелі проста эканамічных рэчаў, гэтаксама бачылі ўва мне фігуру, якая, «ну, калі ён сам штосьці зрабіў, то ёсць шанец штосьці зрабіць (для краіны — НН)». Калі дакладна яму ўсяго хапала, значыць, штосьці ўжо можа зрабіць (для Беларусі — НН).
Гэта быў, як мне падаецца, той самы кандыдат, які задавальняў інтарэс усіх, таму што ён быў нічыім. Ён быў нічыім, і таму яго можна было прысвоіць кожнаму, пачынаючы ад чыноўніка і заканчваючы расійскаарыентаваным».
Бабарыка: Калегі, якія далі паказанні супраць мяне, не змогуць патлумачыць, чаму гэта зрабілі, каб не страціць павагу ўнукаў
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
Бабарыка: Калі б мы перамаглі — вайны ва Украіне не было б
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна13
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары
[Зрэдагавана]
Ці мо яму тэксты рыхтуе сучасны Крылоў ці Крапіва? Бо для ўсіх іншых занадта круты сюжэт нават для анекдотаў. Калі праз 6 гадоў пасля "выбараў", дзе ня быў нават кандыдатаў, то ў сябе паверыў і выйграў. Толькі не зразумела што і на каго гэта разлічана.
А па-іншаму можна выдвігацца ў кандыдаты, па-мойму, толькі па заданні тых, ад каго залежыш. Як паслухмяны выканаўца.