У Варшаве пакажуць пяць найлепшых тэкстаў сучасных беларускіх драматургаў — уваход вольны
На пачатку года быў абвешчаны шорт-ліст конкурсу-фестывалю беларускай драматургіі Dramatyzacyja, які праводзіцца ўпершыню. З 66 дасланых на конкурс п’ес прафесійнае журы абрала пяцёрку найлепшых тэкстаў. Усе яны напісаныя жанчынамі-драматургамі.
Цяпер іх пакажуць на фестывалі, што пройдзе ў Варшаве 10‑11 красавіка.
У прасторы «Дом на праспекце — Дом культуры Серадмесце» (Dom w Alejach — Dom Kultury Śródmieście), што знаходзіцца па адрасе Іерусалімскія алеі, 2 (al. Jerozolimskie 2), гледачы змогуць пабачыць чыткі наступных твораў:
- «Лімб» Рэнаты Талан;
- «Найсапраўднейшае» Ксеніі Шталянковай;
- «Апошні сведка [старога Гродна]» аўтарства Амаліі Рызніч;
- «Любое месца, дзе засталіся сляды» Марыі Бяльковіч;
- «Рудая вавёрка» Хасі Корневай.
Усе яны перанесеныя на сцэну беларускімі рэжысёрамі і акцёрамі.
Фестываль сучаснай беларускай драматургіі Dramatyzacyja — гэта выдатная магчымасць пазнаёміцца з актуальнымі тэатральнымі тэкстамі і адкрыць для сябе новыя імёны беларускага тэатра.
З дакладным раскладам мерапрыемства можна азнаёміцца па спасылцы. Уваход на яго вольны, але па папярэдняй рэгістрацыі.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары