Эўракамісар у пытаньнях энэргетыкі Гюнтэр Отынгер у тэлефоннай размове зь міністрам энэргетыкі Расеі Сяргеем Шматко і першым віцэ‑прэм’ерам беларускага ўраду Ўладзімерам Сямашкам заявіў, што Эўропа не павінна стаць закладніцай газавага канфлікту паміж Расеяй і Беларусьсю.
«Мы патрабуем ад абодвух бакоў добрасумленна супрацоўнічаць, каб вырашыць праблему. Эўракамісія чакае, што газавыя патокі з Расеі ў Эўразьвяз ў кірунку кожнай з зацікаўленых дзяржаваў не пацярпяць і кантрактныя абавязаньні будуць выкананыя», — заявіў Отынгер.
Тым часам стала вядома, што Беларусь шукае альтэрнатыўныя шляхі паставак паліва. У Вільні адбыліся перамовы прадстаўнікоў міністэрстваў энэргетыкі Літвы і Беларусі, вынікам якіх стала прынцыповая згода літоўскага боку сумеснага выкарыстаньня тэрміналу звадкаванага газу, які цяпер будуецца. «Мы гатовыя дапамагчы, улічваючы інтарэсы Беларусі», — сказаў міністар энэргетыкі Літвы Арвідас Секмокас.
Міждзяржаўныя кансультацыі неўзабаве будуць працягнутыя.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары