Лідэр сацыял-дэмакратаў Мікола Статкевіч не атрымаў умоўна-датэрміновага вызваленьня
Дакумэнты, якія былі падрыхтаваныя кіраўніцтвам папраўчай установы ў Баранавічах, так і не дайшлі да суду.
Дакумэнты, якія былі падрыхтаваныя кіраўніцтвам папраўчай установы ў Баранавічах, так і не дайшлі да суду.
4 верасьня палітыка пад канвоем даставілі з Баранавічаў ў Мар'іну Горку, а пасьля – ў камэндатуру вёскі Блонь. На новым месцы ягоны працоўны дзень доўжыцца ад 6:30 да 23:00 без перапынкаў на абед і выходных.
«Паводле такога раскладу не працуе ніводны з «хімікаў». Але я вытрымаю: я чалавек загартаваны, маю добрую фізычную падрыхтоўку. А галоўнае: адчуваю маральную падтрымку маіх сяброў і паплечнікаў па сацыял-дэмакратычнай партыі, усіх людзей, якім дарагая Беларусь і дэмакратыя», -- заявіў Мікола Статкевіч.
«За апошні месяц мяне спрабавалі напаіць, а пасьля вазілі здаваць аналіз крыві на ўтрыманьне алькаголю. Мяне настойліва запрашалі паўдзельнічаць у пікеце, які пасьля маёй адмовы не адбыўся. Далей: калі я выходзіў на працу, мяне пачалі кантраляваць ня толькі супрацоўнікі камэндатуры, але і «сэксоты» мясцовага КГБ. Спрабавалі наладзіць бойку з маім удзелам».
Паводле Статкевіча, галоўная мэта ўладаў – адцягнуць дату вызваленьня.
Мікола Статкевіч асуджаны на 3 гады абмежаваньня волі за арганізацыю акцыяў пратэсту супраць фальшаваньня вынікаў рэфэрэндуму і парляманцкіх выбараў у 2004 годзе. Болей за год ён адпрацаваў у папраўчай установе адкрытага тыпу пры Баранавіцкім РУУС.
«Мы былі дружныя з Эйсмантам». Вядучы Алег Ціткоў аддаў БТ амаль 20 гадоў, але звольніўся пасля выбараў — пагутарылі з ім8
«Мы былі дружныя з Эйсмантам». Вядучы Алег Ціткоў аддаў БТ амаль 20 гадоў, але звольніўся пасля выбараў — пагутарылі з ім
Пяць фактаў пра Наталлю Пяткевіч — самую ўплывовую чыноўніцу Беларусі да з'яўлення Качанавай і Эйсмант31
Каментары