У Маладзечанскім раёне з'явіліся два новыя прыродныя помнікі. Гэта вынікае з пастановы мясцовага райвыканкама, заўважыла выданне Times.by.
Першы батанічны помнік знаходзіцца ў ваколіцах вёскі Повязынь і называецца «Карэльская бяроза». Гэта ўнікальнае дрэва, якое цэніцца за касаслойныя валокны і прыгожы малюнак.
Другім прыродным помнікам на тэрыторыі раёна стануць шматвяковыя «Купалаўскія (вязынскія) дубы». Дрэвы знаходзяцца ў маляўнічым полі недалёка ад Купалаўскага мемарыяльнага запаведніка «Вязынка», што прыкладна за 35—40 км ад Мінска.
Гэта велізарныя, магутныя разгалістыя дубы з каласальным ахопам ствалоў. Яны раслі тут задоўга да нараджэння паэта Янкі Купалы (Івана Луцэвіча), аднак у народзе за імі трывала замацавалася назва «Купалаўскія» з-за непасрэднай блізкасці да фальварка, дзе прайшлі першыя гады жыцця літаратара.
Кіраваннем новымі прыроднымі помнікамі ў Мінскай вобласці будзе займацца Радашковіцкі сельвыканкам.
Акрамя таго, дакументам вызначаюцца межы помнікаў прыроды, таксама на іх будуць распаўсюджвацца ўмовы, прапісаныя ў законе «Аб асабліва ахоўных прыродных тэрыторыях».
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары