Беларусь павінна быць паўнапраўна і паўнацэнна прадстаўлена ў асноўных еўрапейскіх структурах. Пра гэта заявіў 23 жніўня на сустрэчы з дакладчыкам па Беларусі камісіі Парламенцкай асамблеі Савета Еўропы (ПАСЕ) па палітычных пытаннях Сінікай Хурскайнен старшыня Савета Рэспублікі Нацыянальнага сходу Беларусі Анатоль Рубінаў.
«Беларусь павінна быць паўнапраўна і паўнацэнна прадстаўлена ў асноўных структурах Еўрасаюза», — сказаў Рубінаў, зазначыўшы, што «ўсяму еўрапейскаму дому трэба, каб у Беларусі быў мір і ўстойлівасць».
У сваю чаргу Хурскайнен падкрэсліла, што прыехала ў Беларусь «слухаць і абмяркоўваць праблемныя пытанні, звязаныя з развіццём адносін Беларусі і Савета Еўропы».
«Я хацела б адзначыць тры асноўныя пытанні, якія хвалююць Савет Еўропы, — правы чалавека, дэмакратыя і вяршэнства закона», — падкрэсліла дакладчык.
Хурскайнен дадала, што падчас свайго візіту ў Беларусь чакае ўбачыць, што рэспубліка робіць «крокі ў напрамку Еўропы». Яна таксама выказала надзею на працяг дыялогу Савета Еўропы з Беларуссю ў будучым.
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні1
Каментары