Чатыры знішчальнікі ВПС ЗША распачнуць патруляванне паветранай прасторы краін Балтыі.
Чатыры знішчальнікі ВПС ЗША F-15 °C Eagle у сераду, 1 верасня, распачнуць патруляванне паветранай прасторы краін Балтыі, змяніўшы ў межах місіі НАТО Польшчу.
У сераду на авіяцыйнай базе ў Шаўляй адбудзецца цырымонія перадачы вахты місіі паветранай паліцыі ад польскага кантынгенту амерыканскаму, у якой возьмуць удзел высокапастаўленыя вайскоўцы ЗША, Польшчы і балтыйскіх краінаў, паведамляе Міністэрства абароны Літвы.
Вайскоўцы амерыканскіх ВПС дзейнічаюць у якасці паветранай паліцыі НАТО ў краінах Балтыі ўжо трэцім разам. Раней яны неслі вахту ў кастрычніку — снежні 2005 і кастрычніку — снежні 2008.
Цяперашняя амерыканская змена, большая частка якой прыбыла са сталага месца дыслакацыі ў Вялікабрытаніі, авіяцыйнай базы Лакенхет, складаецца з больш чым 120 вайскоўцаў — пілотаў, тэхнікаў, медыцынскага персаналу, групы падтрымкі, спецыялістаў у галіне камунікацый. Кіраваць місіяй будзе амерыканскі
Краіны Балтыі не маюць прыдатных для паветранага патрулявання самалётаў, таму пасля іх уступлення ў НАТО з красавіка 2004 аховай паветранай прасторы займаюцца па чарзе самалёты краін Паўночнаатлантычнага альянсу, якія базуюцца на літоўскім аэрадроме Зокняй за 5 км ад Шаўляй.
Нагадаем, у сакавіку ў паветранай прасторы Латвіі, Літвы і Эстоніі прайшлі вучэнні
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек19
Каментары