Літаратар з чаргінцоўскага саюза пісьменнікаў будзе прадстаўлены як аўтар казак і афарызмаў, атрымаўшы падтрымку Македоніі.
Член Саюза пісьменнікаў Беларусі Георгій Марчук рыхтуецца ў гэтым годзе змагацца за права валодання Нобелеўскай прэміі.
Як расказаў сам літаратар, ён быў вылучаны на прэмію яшчэ ў 2009 годзе, аднак, не атрымаўшы ўзнагароды, прадоўжыць удзел у гонцы праз год.
«У Нобелеўскім камітэце я прадстаўлены як аўтар казак і афарызмаў, перакладзеных на англійскую мову», —расказаў ён.
Георгій Марчук не змог дакладна растлумачыць механізм вылучэння літаратараў на прэстыжную прэмію. З аднаго боку, ён заўважае, што працэдура з’яўляецца тайнай: прадстаўнікі камітэта самі манітораць сусветную літаратуру і адбіраюць творы, вартыя вышэйшай ацэнкі. «Ва ўсім свеце прынята лічыць строга канфідэнцыяльнай структуру вылучэння, прапаганды і прысуджэння прэміі. Імёны кандыдатаў на ўзнагароду нават не прапісваюцца ў Інтэрнэце», — заявіў пісьменнік.
З іншага боку, Георгій Марчук адзначае, што літаратары вылучаюцца на прэмію, калі атрымаюць падрымку ў саюзаў пісьменнікаў розных краін. У прыватнасці,
Саюз пісьменнікаў Беларусі пачаў атрымліваць запрашэнні да вылучэння на Нобелеўскую прэмію сваіх кандыдатаў у 2008 годзе: тады была прапанавана кандыдатура паэта Рыгора Барадуліна.Цяпер жа, Марчук як быццам бы атрымаў падрымку Македоніі.
Цяпер чытаюць
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік3
Каментары