Выстава жывапісу Уладзіміра Хадаровіча адкрылася 17 лістапада ў мінскай мастацкай галерэі "ЛаСандр-арт" (Раманаўская Слабада, 24).
Як паведаміла дырэктар галерэі Ларыса Бортнік, на выставе, якая праводзіцца ў рамках Рэспубліканскага фестывалю выяўленчага мастацтва, прадстаўлена 20 пейзажаў і нацюрмортаў, створаных мастаком за апошняе дзесяцігоддзе.
Хадаровіч атрымаў шырокую вядомасць як майстар нацюрморта, напоўненага замілавальным стаўленнем да прадметаў нацыянальнага сялянскага побыту. Старадаўнія фаліянты, падсвечнікі, абразы і даматканыя ручнікі служаць мастаку сродкам асэнсавання адвечных нацыянальных каштоўнасцяў.
***
Хадаровіч нарадзіўся 27 ліпеня 1947 года ў Слуцку (Мінская вобласць). Вучыўся ў мастацкай студыі Анатоля Бараноўскага. У 1967 годзе скончыў Мінскае мастацкае вучылішча, праз дзесяць гадоў — Беларускі тэатральна-мастацкі інстытут. З 1988 года член Беларускага саюза мастакоў. У мастацкіх выставах удзельнічае з 1977 года. Персанальныя экспазіцыі Хадаровіча дэманстраваліся ў Беларусі, Расіі, Літве, Германіі і Францыі.
Выстава працуе да 11 снежня.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары