Амерыканскі гісторык лічыць, што мараплавец паходзіў з Гедымінавічаў.
Амерыканскі гісторык лічыць, што мараплавец паходзіў з Гедымінавічаў.
Нашага палку прыбыла. Амерыканскі гісторык Мануэл да Сілва Роза даводзіць, што Хрыстафор Калумб меў карані ў Вялікім Княстве Літоўскім. Прычым у добрай сям’і. Ягоным дзедам быў вялікі князь Ягайла, а бацькам — той самы авантурны кароль Уладзіслаў III, які, лічылася, загінуў у бітве пад Варнай.
Традыцыйна пішуць, што адкрывальнік Амерыкі быў генуэзцам. Але гісторык партугальскага паходжання ў сваёй кнізе «Калумб. Нерасказаная гісторыя» («Colon. La Historia Nunca Contada») даводзіць іншае.
Аналізуючы старадаўнія хронікі, ён прыйшоў да высновы, што Уладзіслаў Ягайлавіч пасля разгрому туркамі ў 1444 г. збег ад далейшага выканання каралеўскіх абавязкаў на партугальскі востраў Мадэйра. Там ён ажаніўся і стаў бацькам Хрыстафора.
Дзе доказы? А чаму ж за Калумба, чалавека нібыта простага, аддалі замуж партугальскую арыстакратку і іх шлюб зацвердзіў сам кароль? Да таго ж, лічыць гісторык, герб Калумба падобны на герб Уладзіслава. Праўда, няма на тым гербе «Пагоні» і белага арла. Але ёсць рыбы.
Яшчэ доказ — выгляд. Калумб, паводле сучаснікаў, быў блакітнавокі і светласкуры — тыповы ўсходнееўрапеец.
Дарэчы, прозвішча Калумб у перакладзе з партугальскай азначае «Голуб».
На думку гісторыка, Калумб хаваў сваё паходжанне, каб не выкрыць бацьку. Сваю таямніцу Хрыстафор Уладзіслававіч знёс у магілу.
Магіла — адзінае месца для праверкі гэтай фантасмагарычнай тэорыі: Мануэл Роза шукае магчымасці параўнаць ДНК сыноў Калумба з ДНК Ягайлы. Адпаведныя запыты ўжо зробленыя ў музеі Кракава і Севільі.
Гісторыкі ставяцца да гіпотэзы Розы па-рознаму. У кожным разе, заходнія даследчыкі, як колісь Калумб Амерыку, адкрываюць для сябе Усходнюю Еўропу. Нагадваючы нам, што гісторыя лучыць Беларусь з Захадам, часткай якога яна была доўгія стагоддзі.
-
«Пад чырвонай зоркай і свастыкай». У Варшаве прэзентуюць кнігу пра акупаваную Заходнюю Беларусь
-
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю
-
Два камяні пад савецкім сметнікам. Што засталося ад распісанай фрэскамі Пятніцкай царквы ХІІ стагоддзя ў рэзідэнцыі полацкіх князёў
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў8
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары