Другі выпуск беларускіх сямігадовых еўрааблігацый вылучае вялікая інвестыцыйная прывабнасць у параўнанні з дэбютным выпускам еўрабондаў, размешчаных у жніўні 2010 года, і аналагічнымі пазыковымі абавязаннямі Украіны,лічаць эксперты кампаніі «Рэнесанс Капітал — Фінансавы Кансультант».
Як паведамлялася, Беларусь у мінулую сераду размясціла другі выпуск намінаваных у далярах еўрабондаў на суму 800 млн з даходнасцю 8,95% гадавых.
«Стаўка размяшчэння на ўзроўні 8,95% прадугледжвае прэмію ў памеры больш за 260 базісных пунктаў да крывой прыбытковасці суверэнных пазыковых абавязанняў Украіны і каля 640 базісных пунктаў да
Эксперты прызнаюць, што Беларусь саступае Украіне з пункту гледжання крэдытнай якасці праз падвышаную адчувальнасць да вонкавых шокаў, невялікія золатавалютныя рэзервы, менш дыверсіфікаваную структуру замежнага гандлю і пачатковую стадыю пераходу да рынкавай эканомікі, але пры гэтым у краіне лепшая ў параўнанні з Украінай бюджэтная дысцыпліна.
«Беларусь ўяўляецца значна больш гнуткай, чым Україна, у тым, што датычыць ліквіднасці дзяржаўных фінансаў, і мае больш нізкі ўзровень замежнага доўгу адносна ВУП», — кажуць эксперты «Рэнесанс Капітал», адзначаючы разам з тым, што такая перавага носіць часовы характар — Украіна распачала рэфармаванне электраэнергетыкі і намеціла на найбліжэйшыя гады рэформу пенсійнай сістэмы.
Аналітыкі не выключаюць, што Беларусь паспрабуе павялічыць аб’ём новага выпуску аналагічна дэбютнаму размяшчэнню, аб’ём якога быў пашыраны на 400 млн даляраў праз месяц пасля размяшчэння.
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення4
Каментары