Ён гатовы да пакутніцкай смерці
Муамар Кадафі адмовіўся сысці з пасады кіраўніка Лівіі ў сувязі з шырокамаштабным антыўрадавымі выступленнямі, якія, па яго словах, «гуляюць на руку сатане». У аўторак палкоўнік звярнуўся да нацыі па тэлебачанні, актыўна жэстыкулюючы пры гэтым сціснутым кулаком і час ад часу прамаўляючы гучней.
Гэта была яго першая буйная прамова пасля пачатку масавых беспарадкаў, якія ўспыхнулі ў Лівіі ў мінулую нядзелю. У ходзе іх, па дадзеных праваабаронцаў, загінула каля 300 чалавек.
Паводле Муамара Кадафі, баязліўцы і здраднікі сцвярджаюць, быццам у Лівіі нібыта пануе хаос, а ворагі краіны спрабуюць ачарніць яе аблічча. Ён заклікаў сваіх прыхільнікаў выйсьці на вуліцы і даць адпор яго супернікам, назваўшы іх «бандай абкураных прусакоў».
Паводле Кадафі, моладзь будзе фарміраваць атрады і камітэты для абароны нацыі. Ён дадаў, што
калі лівійцы гэтага захочуць, яны змогуць прапанаваць новыя законы аб кіраванні краінай, уключаючы размеркаванне даходаў ад здабычы нафты.
Палкоўнік папярэдзіў, што ў выпадку неабходнасці будзе выкарыстаная сіла — але толькі ў адпаведнасці з міжнародным заканадаўствам. Кадафі дадаў, што пачынаючы з серады бяспеку ў краіне будзе гарантаваць паліцыя.
Лівійскі лідар прыгразіў смяротнай карай любому, хто паспрабуе нашкодзіць краіне ці дапамагчы яго ворагам. Ён абрынуўся на заходнія краіны, у прыватнасці, ЗША і Вялікабрытанію, абвінаваціўшы іх у спробах дэстабілізаваць Лівію.
Палкоўнік заявіў, што жменька «хворых людзей» спрабуе справакаваць у краіне падзеі, якія адбыліся ў Тунісе і Егіпце. Ён сцвярджаў, што невялікая колькасць тэрарыстаў спрабуе ператварыць Лівію ў яшчэ адзін Афганістан, які затым будзе акупаваны амерыканцамі.
Сябе ён назваў рэвалюцыйным лідарам, які будзе прыносіць сябе ў ахвяру да канца свайго жыцця і памрэ за сваю краіну як пакутнік. Паводле Кадафі, ён прынёс сваёй нацыі славу.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары