Кожную пятніцу зь нецярпеньнем чакаю капэрту з маёй любімай газэтай.
Будзем спадзявацца, што наступнае стагодзьдзе будзе лягчэйшым – Беларусь стала незалежнай дзяржавай і, дасьць Бог, хутка будзе і дэмакратычнай.
Вы нясеце беларусам праўду, таму Вас і прыціскаюць, робяць усё, каб «Наша Ніва» перастала існаваць і «Наша Ніва» вымушана абараняцца, таму яна і «апранула» шэры салдацкі шынэль (я маю на ўвазе колер капэрты, у якой мы атрымліваем цяпер «Нашу Ніву»).
Я чуў на «Свабодзе» апытаньні чытачоў. Аднаму падаецца мала палітыкі, другому – літаратурных старонак, трэці наагул чытае яе 5 хвілін і выкідвае. Я лічу, што «Наша Ніва» павінна заставацца такою, якая ёсьць і якую любяць чытачы. Нават пераходзіць на каляровы друк (як цяпер робяць большасьць газэт) ня варта. За 100 год у «Нашай Ніве» склаліся свае традыцыі, свой стыль, а гэта каштуе многага. «НН» як люстэрка адбівае нашае жыцьцё такім, якім яно ёсьць: з радасьцю, надзеяй, расчараваньнем і г.д. Па старонках «НН» будучыя гісторыкі будуць вывучаць наш час і ў сваіх працах зробяць спасылку на нашу газэту.
Трымайся, мая любімая «НН». Як кажуць у народзе: «Цяжка жыць на белым сьвеце толькі першыя сто год...» Будзем спадзявацца, што наступнае стагодзьдзе будзе лягчэйшым – Беларусь стала незалежнай дзяржавай і, дасьць Бог, хутка будзе і дэмакратычнай.
Віншую ўсіх супрацоўнікаў «НН», яе чытачоў і прыхільнікаў з 100-годзьдзем «НН»! Посьпехаў усім Вам! Спаўненьня ўсіх Вашых пажаданьняў і ўсяго самага найлепшага!
-
Статкевіч: Каго не ўдалося запалохаць да сталага ўзросту, таго ўжо не запалохаеш
-
«Для нас, БНФ, вылучэнне Шушкевіча было нажом у спіну». Навумчык і Статкевіч высвятляюць ролю Беларускага згуртавання вайскоўцаў
-
Ігар Карней: Будзе каманда — зробяць усё, каб і з годам трымаць у закладніках хоць пяцігодку, хоць болей
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам7
Каментары