За апошнія пяць гадоў у Беларусі вырасла смяротнасць дашкольнікаў ад няшчасных выпадкаў
паведаміла галоўны педыятр Міністэрства аховы здароўя Алена Нявера 30 мая напрэс-канферэнцыі ў Мінску.
Паводле яе слоў, таксама сталі частымі выпадкі смерці дзяцей першага года жыцця ад знешніх прычын, такіх як няшчасныя выпадкі, атручэнні, траўмы. Летась яны склалі 10% ад усіх выпадкаў смерці дзяцей. У параўнанні з 2009 годам гэты паказчык вырас на 33%. У цэлым няшчасныя выпадкі з’яўляюцца прычынай траціны ўсіх выпадкаў смерці дзяцей да 18 гадоў, 50% выпадкаў смерці падлеткаў 15–17 гадоў.
«Гэта адназначна сацыяльны фактар: недастатковая адказнасць сям’і за здароўе дзіцяці. Гінуць дзеці, якія былі пакінутыя без догляду бацькоў», — пракаментавала паказчыкі Нявера. Паводле яе слоў, неабходна ўзмацніць меры адказнасці сям’і за здароўе дзяцей.
У цэлым паказчыкі смяротнасці немаўлят і смяротнасці дзяцей да пяці гадоў ў Беларусі адпавядаюць узроўню эканамічна развітых краін. Па выніках мінулага года на тысячу дзяцей, народжаных жывымі, сярод дзяцей да года прыпадала чатыры смерці, да 5 гадоў — 5,4. У параўнанні з краінамі былога СССР Беларусь дасягнула значна большых поспехаў, сказала спецыяліст. Для параўнання: у шэрагу краін, якія развіваюцца, на тысячу жыванароджаных сярод дзяцей да 5 гадоў прыпадае 50–65 дзіцячых смярцей, а ў маларазвітых краінах — 78–120.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары