Дзяржаўная эканамічная і фінансавая статыстыка запэўнівае нас у тым, што з кожным днём у Беларусі ўсё лепей і весялей жыць.Заробкі ў беларускіх рублях толькі і растуць. Але калі пералічыць іх у хоць якую трывалую валюту, то выяўляецца, што яны катастрафічна змяншаюцца. Але з такога боку статыстыка інфармацыі не падае. Такая вось гульня з лічбамі. І гэтая гульня распаўсюджваецца не толькі на эканамічны, але і на культурны асяродак.
У межах сваёй кампаніі «Справаводства
У грунтоўным адказе, што прыйшоў з Віцебскага аблвыканкама, акрамя інфармацыі аб тым, як добра беларускай мове ў Беларусі, была словамі начальніка ўпраўлення ідэалагічнай работы
Руская мова нават, можна так сказаць, дыскрымінуецца, бо беларускамоўных школ на 14% больш, чым рускамоўных. Дык што змагару за беларускую мову ў Беларусі яшчэ патрэбна?Атрымліваюцца даволі прывабная для дзяржавы, дзе дзве дзяржаўныя мовы, лічбы: на беларускай мове выкладанне вядзецца ў 57% агульнанавучальных установаў і ў 43% — на рускай. Так бы мовіць, поўная роўнасць моваў.
Але як выглядае сітуацыя насамрэч? Звярнуўшыся ва ўпраўленне ідэалагічнай работы Віцебскага аблвыканкама яшчэ раз, у дадзеным выпадку з пытаннем аб тым, колькі навучэнцаў навучаецца на беларускай і рускай мовах адпаведна, былі атрыманыя зусім супрацьлеглыя вынікі.
Так, начальнік упраўлення ідэалагічнай працы А. І. Кліцуноў (не прайшло і 7 месяцаў паміж дзвюма зваротамі, а ўжо новы начальнік — было б добра, каб гэтае правіла пачало працаваць і для найвышэйшага кіраўніцтва Беларусі) паведаміў, што на беларускай мове навучаецца 19 022 чалавекі, а на рускай — 99 988 чалавек. Атрымліваецца, што толькі 16% ад усіх школьнікаў навучаецца на беларускай мове і 84% — на рускай.
Такім чынам, беларускамоўных школ на Віцебшчыне 57% але навучаецца ў іх толькі 16% школьнікаў, а школ з рускай мовай навучання 43%, але навучаецца ў іх 84% школьнікаў ад ліку ўсіх навучэнцаў Віцебскай вобласці.
Такая вось займальная статыстыка атрымліваецца. Гульня з мовай, эканомікай і ўсімі намі працягваецца, і толькі ад нас залежыць, калі яна скончыцца.
Каментары