Беларусь скацілася на ганебнае апошняе месца сярод суседзяў.
Беларусь знаходзіцца на ганебным апошнім месцы па ўзроўню сярэдняга заробку сярод суседзяў. Апошнія статыстычныя дадзеныя (за красавік) сведчаць, што беларусы зарабляюць 1 563 393 рублі. Нават па афіцыйным курсе даляра гэта ўсяго $315, нават не кажучы пра рэальны абменны. Пры пераліку на яго заробак «усыхае» як мінімум да $250.
У гэты час ва Украіне, эканамічную сітуацыю ў якой год за годам ганяць беларускія СМІ, сярэдні заробак складае 2 533 грыўні. Па афіцыйным курсе гэта $318 —на тры даляры больш, чым у нашай краіне.
Параўнанне з іншымі суседзямі — напрыклад, Польшчай ці Латвіяй, выглядае зусім недарэчным. Адставанне складае 3–4 разы.
Цяпер наш найбліжэйшы «сусед» — гаротная Малдова, дзе сярэдні заробак на 2011 год запланаваны на ўзроўні $285.
Каментары