У першым паўгоддзі гарэлкі прадалі на 10,5% больш, піва — на 22,8% больш, чым у мінулым годзе. Беларусь ідзе на трагічны рэкорд.
Пры канцы СССР пляшка гарэлкі каштавала столькі ж, як 4 кг добрага мяса. Цяпер за 1 кг свініны можна набыць 2 бутэлькі, і яшчэ застанецца на закуску. Ад пачатку года цэны на большасць тавараў і прадуктаў — ад дызпаліва да алею — выраслі прыкладна ўдвая. Толькі на гарэлку цэны выраслі на сціплыя 25%. Нацыянальная катастрофа: ад таннай гарэлкі беларусы співаюцца.
Людзям, схільным да спажывання алкаголю, у такіх умовах псіхалагічна цяжка ўтрымацца. Усё падаражэла, дык хоць вып’ю.
Співаюцца будаўнікі, співаюцца калгаснікі. Гэта становіцца нацыянальнай трагедыяй, нацыянальнай безвыходнасцю. Іншаземцы жахаюцца, калі трапляюць у беларускую правінцыю.
Белстат сабраў звесткі, якія дактары называюць шакуючымі: за першыя 6 месяцаў гэтага года гарэлкі прадалі на 10,5% больш, чым за першае паўгоддзе летась.Доля гарэлкі ў агульным спажыванні алкаголю, у пераліку на чысты спірт, склала 43,8% (у
І расце спажыванне не толькі гарэлкі.
Піва за паўгоддзе прадалі на 22,8% больш, чым у мінулым годзе.(Доля хмельнага напою ў агульным аб’ёме алкаголю склала 13%, што на 1,1% вышэй, чым у
Доля нават такога таннага алкаголю ў рознічным тавараабароце складае больш чым дзясятую частку — 10,4%.
Пры гэтым выдаткі на здарэнні і траўмы, выкліканыя алкаголем, на
Алкаголь у Беларусі, асабліва моцны, у разы таннейшы, чым у краінах Еўрасаюза,дзе высокімі цэнамі на спіртное і цыгарэты людзей адахвочваюць ад нездаровага ладу жыцця.
Мяркуючы па дынаміцы росту, за гэты год спажыванне алкаголю ў краіне дасягне новага гістарычнага рэкорду.Дагэтуль рэкорднымі былі 2008 і 2010 гады.
Паводле ацэнкі Сусветнай арганізацыі аховы здароўя, кожны беларус у пераліку на чысты спірт ў 2010 годзе спажыў 15,13 літра алкаголю. Гэта выводзіць нашу краіну ў дзясятак найгоршых па гэтым паказчыку ў свеце. Прычым у Беларусі пераважаюць кепскія формы п’янства, бо людзі п’юць моцныя напоі.
За апошнія 20 гадоў спажыванне алкаголю вырасла больш чым у 2 разы.
Згодна з медыкамі, планка, пасля якой пачынаецца актыўная дэградацыя чалавечага патэнцыялу супольнасці, — 8 л на чалавека ў год.
«Пытанне аб насычэнні рынка ўжо не стаіць. Такая тэндэнцыя пагражае дэмаграфічнай сітуацыі ў краіне», — прызнаваў яшчэ ў 2009 годзе намеснік міністра гандлю М.Свянціцкі.
Пры захаванні цяперашніх цэнаў на алкаголь і тытунь, Беларусь не мае шанцаў на развіццё.
Каментары