Зацверджаны План мерапрыемстваў па выкананні Праграмы сацыяльна-эканамічнага развіцця на пяцігодку
Усяго ў плане 249 пазіцый.
План мерапрыемстваў па выкананню Праграмы сацыяльна-эканамічнага развіцця Беларусі на 2011–2015 гады зацверджаны ў Беларусі. Адпаведнае рашэнне змяшчана ў пастанове Савета Міністраў № 942 ад 11 ліпеня 2011 года, паведамілі БЕЛТА ў прэс-службе беларускага ўрада.
Усяго ў плане 249 пазіцый, якія ўключаюць мерапрыемствы ў галіне бюджэтна-падатковай, цэнавай і антыманапольнай палітыкі, фінансавых рынкаў, інвестыцыйнай і інавацыйнай дзейнасці, медыцыны, адукацыі, культуры і спорту. У дакуменце адлюстраваны асноўныя напрамкі развіцця прамысловасці, будаўніцтва, сельскай і лясной гаспадаркі, сферы паслуг.
Так, у галіне бюджэтна-падатковай палітыкі ў бліжэйшыя пяць гадоў прадугледжваецца
аптымізацыя бюджэтных расходаў з канцэнтрацыяй іх на прыярытэтных напрамках
сацыяльна-эканамічнага развіцця Беларусі і павышэнне эфектыўнасці выкарыстання бюджэтных сродкаў, удасканаленне структуры і механізмаў спагнання ўстаноўленых падаткаў і збораў з арыентацыяй на максімальнае набліжэнне падатковай сістэмы Беларусі да прымяняемых у эканамічна развітых краінах, радыкальнае спрашчэнне працэдур падатковага адміністравання і кантролю, умацаванне пазіцый краіны ў сусветных рэйтынгах. У галіне цэнавай і антыманапольнай палітыкі плануецца паэтапнае скарачэнне і ліквідацыя перакрыжаванага субсідзіравання ў тых сферах эканомікі, дзе на працягу шэрагу гадоў склаліся пэўныя перакосы і дыспрапорцыі, удасканаленне і гарманізацыя нарматыўнай прававой базы, прадухіленне абмежавання канкурэнцыі і правоў юрыдычных асоб і індывідуальных прадпрымальнікаў на продаж, куплю тавараў пры міжабласных пастаўках.
Для стымулявання развіцця прадпрымальніцтва і дзелавой актыўнасці
будуць прымацца меры па ўстараненню адміністрацыйных бар’ераў, якія перашкаджаюць вядзенню бізнесу, зніжэнню падатковай нагрузкі і павышэнню даступнасці
крэдытна-фінансавых,
матэрыяльна-тэхнічных, зямельных рэсурсаў і нерухомай маёмасці. Актывізуюцца працэсы прыватызацыі і рэфармавання структуры дзяржаўнай уласнасці, будзе ўдасканалены інстытут эканамічнай неплацежаздольнасці (банкруцтва).
Асобным блокам у плане прапісаны мерапрыемствы па развіццю ў Беларусі навукова-тэхнічнай дзейнасці. Будуць створаны дадатковыя стымулы для павышэння ў краіне інавацыйнай актыўнасці, далейшага развіцця інавацыйнай інфраструктуры, узмацнення абароны інтэлектуальнай уласнасці. У Беларусі з’явяцца новыя навукаёмістыя і высокатэхналагічныя вытворчасці.
Сярод найбольш буйных праектаў, запланаваных да рэалізацыі ў бягучай пяцігодцы ў прамысловым комплексе,
— стварэнне на базе ААТ «Беларуськалій» хімічнага камбіната па комплекснай перапрацоўцы хлорыстага калію і хлорыстага натрыю, пачатак будаўніцтва
горна-хімічнага камбіната па перапрацоўцы гаручых сланцаў магутнасцю 5 млн.т у год, мадэрнізацыя і рэканструкцыя прамысловых вытворчасцей на РУП «Гомсельмаш» і ў ААТ «МАЗ», адкрыццё аб’екта тавараправоднай сеткі ААТ «Белшына» у Аўстраліі, будаўніцтва завода па вытворчасці сульфатнай беленай цэлюлозы на базе ААТ «Светлагорскі ЦКК», стварэнне новых мікрабіялагічных вытворчасцей — дражджавога завода на базе ААТ «Слуцкі
цукрова-рафінадны камбінат», вытворчасці лімоннай кіслаты на базе ААТ «Скідзельскі цукровы камбінат» і многія іншыя.
У паліўна-энергетычным комплексе намаганні будуць накіраваны на павелічэнне стратэгічных запасаў энергетычных рэсурсаў, зніжэнне долі прыроднага газу ў спажыванні кацельна-пячнога паліва пры вытворчасці электрычнай і цеплавой энергіі, павелічэнне долі ўласных энергарэсурсаў у балансе кацельна-пячнога паліва краіны, зніжэнне тэмпаў здабычы нафты на дзеючых радовішчах, распрацоўку новых радовішчаў і сумеснае асваенне нафтавых радовішчаў за мяжой, а таксама нарошчванне экспартнага патэнцыялу і павышэнне эфектыўнасці продажаў нафтапрадуктаў.
Прыкметна зменіцца ў бягучай пяцігодцы і беларуская сістэма адукацыі.
У гэтай галіне прадугледжана аптымізацыя аб’ёмаў і структуры падрыхтоўкі спецыялістаў з вышэйшай і сярэдняй спецыяльнай адукацыяй і рабочых кадраў у адпаведнасці з патрэбнасцямі развіцця высокатэхналагічных вытворчасцей, укараненне сучасных інфармацыйна-камунікацыйных тэхналогій, забеспячэнне кожнай установы адукацыі шырокапалосным доступам у глабальную камп’ютарную сетку, аснашчэнне ўсіх агульнаадукацыйных устаноў праграмнымі сродкамі. Запланавана таксама наданне ўніверсітэтам функцый цэнтраў навукова-інавацыйнай дзейнасці, стварэнне і развіццё пры іх суб’ектаў інавацыйнай інфраструктуры, інтэграцыя прафесійнай адукацыі, навукі і вытворчасці. Асаблівая ўвага будзе ўдзяляцца нарошчванню экспарту адукацыйных паслуг за кошт павелічэння кантынгенту замежных навучэнцаў, у тым ліку грамадзян еўрапейскіх краін
Каментары