Выбух на помпавай станцыі ў Брэсцкім раёне: пад заваламі апынуліся два чалавекі +фота
Пацярпелыя ў цяжкім стане дастаўленыя ў рэанімацыю.
Пацярпелыя ў цяжкім стане дастаўленыя ў рэанімацыю.
Паведамленне пра выбух на помпавай станцыі ў Брэсцкім раёне ў вёсцы Тэльмы-2 паступіла Брэсцкае абласное ўпраўленне МНС 19.03 2 жніўня. На момант выбуху ў падвале будынка знаходзіліся два работніка прадпрыемства, якія займаліся ліквідацыяй непаладкі: аднаўлялі падачу вады ў тэхналагічны працэс. У выніку выбуху яны апынуліся пад заваламі. Іх выратавалі супрацоўнікі МНС. У цяжкім стане пацярпелых даставілі ў рэанімацыйнае аддзяленне Брэсцкай абласной бальніцы.
На месцы здарэння працавалі 80 чалавек і 23 адзінкі тэхнікі (МНС, а таксама іншых арганізацый).
Па папярэдняй інфармацыі ў выніку паніжэння ціску ў трубаправодзе падачы вады, ацэтылен з генератарнай ўстаноўкі пад ціскам у зваротным кірунку па трубаправодзе патрапіў у памяшканне помпавай станцыі і пачаў назапашвацца ў падвале. Затым адбыўся выбух ацэтыленава-паветранай сумесі.
У выніку выбуху разбураны апорныя сцены наземнай часткі, абрынуліся пліты перакрыцця і пакрыцця, дах. Плошча абрушэння склала 27 кв. метраў.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома31
Каментары